ویرات کوہلی اسہ سوگو ءُ لیڈر اسے‘ سٹیوسمتھ

 نئی دہلی(آن لائن)آسٹریلیا نا سٹیوسمتھ بھارتی سپر اسٹار و گوازی نا پِڑ آ حریف ویرات کوہلی ءِ اسہ جوان ءُ گوازی گر اس و سوگو ءُ لیڈر اس پن کرینے۔ ہرا پِڑ آ سخت محنت اٹ گوازی کیک۔ وخت اس کہ کورونا وائرس دَین آن پد جہانی کہول آ گوازی تا ایونٹ آک معطل مسنو۔ کرکٹر آک فون و ویڈیو کال تا کمک اٹ اسہ ایلو تون حال احوال کیرہ۔ سمتھ بھارتی ادارہ سٹار سپورٹس ءِ پارینے کہ کنا آف فیلڈ ویرات تون منہ اوڑدہی مسنو، داڑے منہ میسج ہم اسہ ایلو کن راہی کرین دا وخت آ حال احوالی مسن تاکہ خنن کہ بھارت اٹ گڑاک ہم چلینگ انگ اٹی ءُ۔