ٹی ٹوئنٹی ورلڈکپ نا وخت آ مفننگ پی ایس ایل 6 اکن اڑاند اس مریک

لاہور ( آن لائن) ٹی ٹوئنٹی ورلڈکپ نا مفننگ پی ایس ایل 6 کن ہم کبین تمک، بروک آ سال فروری، مارچ اٹ کننگ نا تے فیصلہ مس تو پاکستان ءِ تینا لیگ کن پُوسکن ءُ ونڈو اس پٹوئی تمک۔ حوال نا رداٹ بروک آ سال پاکستان سپر لیگ نا وخت آ کننگ خطرہ ٹی تما، ٹی ٹوئنٹی ورلڈ کپ اینخو اکتوبر، نومبر اٹ آسٹریلیا ٹی شیڈول ءِ، کورونا وائرس نا سوب آن ورلڈ کپ نا مننگ ممکن اف، اگہ آسٹریلوی حکومت ستمبر اسکان سیم تے ملننگ نا فیصلہ کرے ولدا ہم 16 ملک آتیان ٹیم تا بننگ، بائیو سیکیور ماحول اٹ ہننگ بننگ و کُننگ رہنگ نا آسراتی تا انتظام بھاز سخت مریک، دا حالیت اٹ گمان ہندا ارے کہ ٹی ٹوئنٹی ورلڈکپ ءِ کینسل کننگے، پوسکن آ گمانی ونڈو نا وڑاٹ فروری، مارچ ءِ ہُننگ انگ ءِ، آسٹریلیا تون کورونا فری نیوزی لینڈ ءِ ہم آئی سی سی ایونٹ نا مہماندار کننگ نا آپشن ساڑی ءِ۔ کیوی تا وطن اٹ نیاڑی تا ون ڈے ورلڈ کپ ہم فروری، مارچ اٹ شیڈول ءِ، مینز ایونٹ نا فیصلہ مننگ آ دانا قربانی تروئی تمک، ٹی ٹوئنٹی ورلڈ کپ نا فروری، مارچ اٹ کننگ نا فیصلہ مس تو پی سی بی ءِ تینا لیگ اکن پُوسکن ءُ ونڈو اس پٹوئی تمک۔