ایران نا برخلاف بھلو زرگزرانی و اقتصادی جنگ اس بنا کرینن،امریکی صدر ڈونلڈ ٹرمپ

واشنگٹن، امریکی صدر ڈونلڈ ٹرمپ ایران نا برخلاف تاریخ نا کل آن سخت انگا اقتصادی کارروائی نا پڑو کرینے۔ سوشل میڈیا پلیٹ فارم ‘ٹروتھ سوشل’ آ نوشتہ کروک کلہو اٹی امریکی صدر پارے کہ ایران ءِ مالی یا واپاری آسراتی فراوان کننگ نا حالیت اٹی تعلقدار ملک ءِ ہم سخت زرگزرانی رکھ آتتون مون تروئی تمک‘ او پارے کہ ایران ءِ معاہدہ کن کنے آن زیات بھلو وارخواہی پین کس تتنے ولے ایران امنا کتو، امریکہ داسہ ایران نا برخلاف اسہ ملک اسے نا برخلاف کننگوک کل آن بھلا و بھسکاری کروک اقتصادی کارروائی نا بناءِ کننگ اٹی ءِ ہراٹی گمان آن چَپ کچ اسے ٹی اقتصادی جنگ و ایران ءِ جہانی کہول آ تنیا کننگ اوار مریک۔صدر ٹرمپ پارے کہ ایران نا بحریہ چٹانے، فضائیہ بھس مسنے، فوجی فیکٹریک کپی ٹی بدل مسنو و ایرانی کرنسی نا نہاد چٹانے‘ ہرا ملک یا ادارہ ایران ءِ مالی یا واپاری سیبو فراوان کرے اودے ہم امریکی کارروائی مون تروئی تمک۔ او تیل انا سمگلنگ، مالیاتی فائدہ و و سواپ لائنز، نقد زرتس گدریفنگ‘ ایکسچینج ہاؤس، بحری جہاز آتا رجسٹری، فرنٹ کمپنی ءِ توننگ نا خواست کرے و دا کارروائی ءِ ”اقتصادی ڈی ڈے“ گوندسا امریکی سیوتی تیا زور شاغا کہ او ایران ءِ تنیا کننگ کن امریکہ نا ہم کوپہ مریر۔ امریکی صدر پارے کہ دا تاریخی آ گام ایران ءِ جہانی کہول آ واک انا کاریم اٹ اتنگ و دہشت گردی نا پاننگوک کمک آن توننگ نا اونا لائخی ءِ بھاز نسخان رسیفنہ، ایران ہچ گہس ایٹمی سلہہ دوئی کننگ کپک۔