اسسٹنٹ کمشنر ماشکیل نا چاروکی ٹی شجرکاری مہم نا بنائی دود
Get real time updates directly on you device, subscribe now.
اسسٹنٹ کمشنر ماشکیل ثناء اللہ بلوچ نا چاروکی ٹی گورنمنٹ بوائز ہائر سیکنڈری اسکول لدگشت اٹی شجرکاری مہم نا بست و بند کننگا دا وخت آ 75 دیسی و ہندی نہال تخنگا۔ شجرکاری مہم نا مسخت چاگڑدی گڑد اٹ کمتی، باسی نا ترندی ءِ کچ اٹ تخنگ و تعلیمی ادارہ نا چاگڑد ءِ سرسوز کننگ ئس۔ دا وخت آ اسسٹنٹ کمشنر ماشکیل ثناء اللہ بلوچ پارے کہ درخ قدرت نا اسہ نہادی ءُ ٹیکی حفہ اسے و سفا و جانجوڑ چاگڑد نا ضمانت ءِ‘ ساڑی دور اٹی ودوک آ باسنی و ماحولیاتی بدلی ءِ مون آ تخسا زیات آن زیات نہال تخنگ وخت انا اہم گرج ءِ‘ او پارے کہ شجرکاری بیرہ درخت تخنگ نا پن اف بلکن اوفتا رکھ و چکار ہم ننا اسیجائی زمواری ءِ۔ تخوک 75 نہال نا جوان چکار‘ دیر انا فراوانی و رکھ آ خاص چکار کننگے تاکہ دا نہال آک آخبت اٹی سوگو درخت جوڑ مرسا بروک آ چین تے سیخا‘ سفا انگا تہو و جوان چاگڑد فراوان کننگ کیر۔ اسسٹنٹ کمشنر نودربر، استاد و الس آ زور شاغا کہ او شجرکاری مہم اٹی پبی بشخ ہلیر و تینا اُرا، اسکول، سرکاری ادارہ و ایلو دوئی ہند آتیا زیات آن زیات ہندی درخت خلیر۔ او پارے کہ ماشکیل کون آ باسن و گرم و خشک علاقہ غاتیٹی شجرکاری نا اہمیت پین زیات مریک، ہندی کہول آ بھلو کچ اسے آ نہال تخنگ آن نئے بیرہ چاگڑد زیبدار مریک بلکن باسنی نا ترندی ٹی کمتی، تہو انا آب اٹی جوانی و آخبت اٹی جانجوڑ و گچین چاگڑد جوڑ مننگ اٹ ہم کمک رسینگک۔ ماشکیل (نصیر کبدانی/نامہ نگار)