پٹرول نا نہاد آتے ای بدل کپرہ، بیرہ عملدرآمد کیوہ، وزیرِ پٹرولیم

اسلام آباد، وزیرِ پیٹرولیم علی پرویز ملک پارینے کہ فیول نا نہاد آک ہڑدے ئی بنداو آ بدل مریرہ ای بیرہ عملدرآمد کیوہ۔ پاکستان انرجی کانفرنس آن تران کرسا او پارے کہ کنے آ تنقید کروک آک پاریرہ ہڑدے نہاد آتے بدل کیوہ، ای نہاد آتے بدل کپرہ، جہانی مارکیٹ اٹی ہر جمعہ غا نہاد آک بدل مفسہ‘ علی پرویز ملک پارے کہ کنے دا ہیت آن فرق تمپک کہ کن تون اخس مہر یا خار کننگک، فرق دا ہیت آن تمک کہ اینو نا دا فیصلہ غاتیان آخبت اٹی انت دوئی مریک۔ توانائی نا بشخ اٹی اصلاحات اتنگ انگ ءِ‘ توانائی اٹی تینا نت تیا سلنگ نا پالیسی آ عمل کننگ اٹی اُن، پاکستان نا مریس وختی توانائی سیکورٹی ءِ پک جوڑ کننگ المی ءِ۔