مقبوضہ کشمیر اٹ جی 20 دیوان جہانی کانود نا خلاف ورزی ءِ، بلاول
بھارت تکک کہ اسہ کانفرنس اسے نا کمک اٹ کشمیری تا توار ءِ شیف شاغنگ کیک، تو دا ہیت اٹ او رَد ءِ، وزیر خارجہ
Get real time updates directly on you device, subscribe now.
باغ : وزیر خارجہ بلاول بھٹو زرداری پارینے کہ مقبوضہ کشمیر اٹ جی 20 دیوان جہانی کانود نا خلاف ورزی ءِ، آزاد کشمیر نا دورہ نا وخت آ میڈیا تون غیر رسمی ہیت و گپ کرسا بلاول بھٹو زرداری نا پاننگ ئس کہ آزاد کشمیر نا پارلیمان آن ہم تران کیوہ۔ او پارے کہ نن بھارت نا اصل دروشم ءِ دنیا ءِ نشان تننگ اُن، کشمیری ایڑھ ایلم تتون یکجہتی کن جلسہ ہم کینہ، وزیر خارجہ پارے بھارت تکک کہ اسہ کانفرنس اسے نا کمک اٹ کشمیری تا توار ءِ شیف شاغنگ کیک، تو دا ہیت اٹ او رَد ءِ، نن بھارت نا اصل دروشم ءِ دنیا ءِ نشان تننگ اٹی اُن۔ بلاول بھٹو زرداری پارے کہ کشمیری ایڑھ ایلم تتون یکجہتی نا درشانی کن بسنٹ۔ کشمیری تا جیرت و ہمت ءِ کس شیف شاغنگ کپک۔ بھارت ءِ پاننگ خواوہ کہ نی یو این کونسل نا قرارداد آتا پاش آن پاش خلاف ورزی ءِ کننگ اٹی اُس۔ بھارت جہانی کانود و یو این کونسل نا قرار داد آتا خلاف ورزی ءِ کنن گاٹی ءِ۔ دا ہڑتوم آ گڑاک اوار چلینگ کپسہ۔
(آن لائن)