پی ٹی وی بولان نا ٹرانسمیٹر نا بنا، بیدس کیبل آن ہُننگ مریک

لمئی بولی تیٹی نشریات چلیفوک بولان نا اولیکو ٹرانسمیٹر نا بناءِ ایم ڈی پی ٹی وی دورہ کوئٹہ نا وخت آ کرے

0

Get real time updates directly on you device, subscribe now.

کوئٹہ : پی ٹی وی بولان نا ٹرانسمیٹر نا بنا کننگانے، ہرانا رد اٹ بیدس کیبل آن ہُننگ مریک۔ سرجم حوال آتا رداٹ بنجائی حوالکاری سیکرٹری/ ایم ڈی پی ٹی وی سہیل علی خان کوئٹہ نا دورہ ءِ کرے۔ دا وخت آ او پی ٹی وی سینٹر کوئٹہ غا ہم ہنا و پروڈکشن آب انا جاچ ءِ ہلک۔ ڈائریکٹر انجینئرنگ عارف نور ہم اوڑتون اوار ئس۔ ایم ڈی پی ٹی وی لمئی بولی تا کل آن بھلا نیٹ ورک پی ٹی وی بولان نا اولیکو ٹرانسمیٹر نا بناءِ کرے۔ پوسکن آ ٹرانسمیٹر انسٹالیشن آن بولان نا نشریات آک داسہ UHF لس انٹینا غا ہم ہننگ مریرہ۔ ایم ڈی پی ٹی وی سہیل علی خان ءِ ڈائریکٹر انجینئرنگ عارف نور و انجینئرنگ مینیجر کوئٹہ سینٹر سید نبو جان آغا اسک ٹرانسمیٹر انسٹالیشن و نشریات آتا بابت بریفنگ تسر۔ دا وخت آ حوالکاری سیکرٹری و ایم ڈی پی ٹی وی سہیل علی خان پارے کہ 500 واٹ ٹرانسمیٹر آن پد بولان نا نشریات آتا نیٹ ورک پین ودانے۔ داسہ بولان نا نشریات آک ہمو علاقہ غاتیٹی ہم ہننگ مریرہ، ہراڑے کیبل یا ڈش انٹینا نا آسراتی اف۔ او پارے کہ ٹرانسمیٹر انسٹالیشن آن پد 30 آن 35 لکھ اسکان بندغ پی ٹی وی خاہوت اٹ اوار مریرہ۔ ایم ڈی پی ٹی وی سہیل علی خان کوئٹہ ٹی ورچوئل اسٹوڈیو جوڑ کننگ نا پرمان ہم کرے۔ کوئٹہ سینٹر نا دورہ نا وخت آ جنرل مینیجر سید فہیم شاہ اودے نیوز، کرنٹ افئیرز و پروگرام آتا بابت بریفنگ تس۔ اودے پاننگا کہ کوئٹہ سینٹر آن براہوئی، بلوچی و پشتو زبان تیٹی پروگرام نشر کننگک۔ داکان بیدس سی بی اے مشعل یونین ہم ایم ڈی پی ٹی وی تون اوڑدہی کرے۔ ایم ڈی سہیل علی خان پاکستان ٹیلی وژن کوئٹہ سینٹر اٹی ٹیکنیکل ایریا تون اوار ایلو سیکشن آتا ہم دورہ ءِ کرسا اوفتا جاچ ءِ ہلک۔ بنجائی حوالکاری و شیناکری سیکرٹری و منیجنگ ڈائریکٹر سہیل علی خان ءِ پی ٹی وی کوئٹہ نا چندی بشخ آتا سروک آک تینا بشخ آتا زمواری و کارکڑد نا بابت ہم حوال تسر۔

(ہ ا)

Get real time updates directly on you device, subscribe now.

Leave A Reply

Your email address will not be published.