وزیر اعلیٰ جی آئی ایس، یو آئی پی ٹی آن لائن سسٹم نا منظوری ءِ تس
Get real time updates directly on you device, subscribe now.
کوئٹہ: وزیراعلیٰ بلوچستان میر عبدالقدوس بزنجو ایکسائز ٹیکسیشن و اینٹی نارکوٹکس ڈیپارٹمنٹ کوئٹہ ٹی GIS بیسڈ انٹیگریٹڈ کمپیوٹرائزیشن آف اربن اموایبل پراپرٹی ٹیکس (UIPT) آن لائن سسٹم نا بابت گورنمنٹ ٹوگورنمنٹ معاہدہ کننگ نا منظوری ءِ تس‘ وزیراعلیٰ دا منظوری ءِ محکمہ ایکسائز ٹیکسیشن و اینٹی نارکوٹکس حکومت بلوچستان ناکنڈآن راہی کروک اسہ سمری سے آ تس‘ یات سلے کہ دا اہم انگا پروجیکٹ نا مسخت کوئٹہ شار اٹ پراپرٹی ٹیکس ہلنگ نا مچ آ دنگ ءِ منظم کننگ ءِ۔جی آئی ایس آ ساڑی ٹیکنالوجی نا کمک اٹ زیات شفافیت مریک و ٹیکس ریٹرن اٹ ہم ودکی مریک دا ڈٹ ءِ سرسہب کننگ کن محکمہ پنجاب اربن یونٹ تون رابطہ کرے ہرا اربن یونٹ ڈٹ بندی وشونداری بورڈ حکومت پنجاب نا اسہ شیفکو ادارہ اسے و پاکستان نا جوان انگا آزموندہ کار فرم ءِ ہراڑتون ہندا وڑ انا آزموندہ ارے و او داکان مست پنجاب اٹ اربن امو ایبل پراپرٹی ٹیکس (UIPT) آٹومیشن پروجیکٹ ءِ تیار و لاگو کرنے۔
(خ ن)