سیاسی جماعت آک اسہ موقف آ بریر، کسر پیش تمک، چیف جسٹس

بنجائی حکومت ءِ فنڈ تفننگ نا بابت فیصلہ نا اول سر جاچ ہلوئی تمک، فنڈ تفننگ نا پد جوان مفک، اٹارنی جنرل حکومت اسکان عدلیہ نا کلہو ءِ سر کے، نن داسکان بے کچ بھلو گام اس ہرفنگ نا کنڈ آ ہننگ خواپنہ، سپریم کورٹ

0

Get real time updates directly on you device, subscribe now.

اسلام آباد : سپریم کورٹ آف پاکستان مچ آ ملک اٹ اسہ دے آ گچین کاری کرفنگ نا درخواست آتاسماعت ناوخت آ بنجائی حکومت ءِ گچین کاری تیکن فنڈ تفننگ نا تینا فیصلہ نا اولسر جاچ ءِ ہلنگ نا پرمان کرسا گوندانے کہ فنڈ تفننگ نا پد جوان مفک‘ عدالت عظمی اٹارنی جنرل نا موقف ءِ درست گوندسا مذاکراتی عمل نا باوری کرفنگ کن کل اہم سیاسی راہشون تے نوٹس جاری کرینے۔ کیس انا سماعت اینو پنچ شنبے 20 اپریل آدے انا یانزدہ بجہ غا مریک۔ چیف جسٹس آف پاکستان باندات نا سماعت نا وخت آ ریمارکس تس کہ عدالت ءِ پاننگاسس سپلیمنٹری گرانٹ آن پد منظوری ہلنگک‘داڑان چَپ باندات ءِ پارلیمنٹ آراہی کننگا‘ گچین کاری تیکن ہندن مریک یا لس حالیت آتے ٹی ہم ہندن مریک؟ انتظامی امور ءِ قائمہ کمیٹی آراہی کننگ نا ہچ درور رسینگپک‘گچین کاری خڑچ آک گرج انا وڑ ءُ غیر اہم افس‘ حکومت نا گرانٹ مسترد مننگ نا گڑتی اسمبلی نا وجود نا برخلاف ءِ‘اومیت کننگک کہ حکومت تینا فیصلہ نا اولسرجاچ ءِ ہلیک‘ حکومت فیصلہ کے یا اسمبلی آ پدی راہی کے ورندی ایتے‘دا باندات نا پد جوان مفک‘ داسہ خراب نتیجہ غاتیا ہننگ خواپنہ۔ چیف جسٹس اٹارنی جنرل ءِ داوخت آ پرمان کرے کہ حکومت آ عدالتی پرمان ءِ سر کے‘ الیکشن کمیشن اسہ دے آ گچین کاری کرفنگ نا ہم پارینے‘ الیکشن کمیشن نا دا ہیت آ کیہی سوج آک ودی مریرہ‘ الیکشن کمیشن نا آبزرویشن نا بنداو سکیورٹی تفننگ ءِ۔ ملک اٹ دہشتگردی 1992 آن برجاءِ۔1987، 1991، 2002، 2008، 2013 و 2018 ٹی گچین کاریک مسر‘سکیورٹی نا ویل آک ہمو گچین کاری تے ٹی ہم ئسر۔ 2008 اٹ تو حالیت آک بھاز خراب ئسر۔ 2007 اٹ ہم تو بے نظیر بھٹو ءِ شہید کننگاسس‘ 2013 ٹی ہم دہشت گردی ئس‘داسہ امر خطرہ اسے کہ گچین کاری مننگ کپسہ‘ الیکشن کمیشن اول اٹ پارے وسیلہ ایتبو‘ گچین کاری کرفنہ‘داسہ پاننگ ءِ ملک اٹ بے چیٹی تالان مریک۔ الیکشن کمیشن مچ آ مقدمہ ءِ دوارہ ملنگ خواہک‘27 مارچ آ عدالتی کارروائی بنا کرے‘4 اپریل آ فیصلہ بس‘اول اٹ 4/3 نا باندات ئس‘ولدا فل کورٹ انا‘ بائیکاٹ مس ولے کس اس سکیورٹی نا ویل ءِ چست کتو۔ ڈی جی آئی ایس آئی و سیکرٹری دفاع ہم ساڑی ئس‘اوڑدہی نا وخت آ افسر آتے پاریسس کہ سماعت ناوخت آ دا باندات آ ہیت متو‘ کل ءِ سماءِ کہ فیصلہ مسنے داسہ پدی مننگ کپنہ، الیکشن کمیشن و وزارت دفاع نا درخواست آک فیصلہ پدی ہلنگ نا بنداو آ افس۔ وزارت دفاع نا رپورٹ اٹ عجب ءُ خواست اس کننگانے‘ ہروئی مریک کہ مگہ وزارت دفاع اسیجا گچین کاری کرفنگ نا خواست کننگ کیک؟ نن نظر اٹ وزارت دفاع نا درخواست نا سماعت مننگ کپک‘ ٹی وی آ بنگونن وزیرک پاننگ اٹی ءُ کہ اکتوبر اٹ ہم گچین کاریک مشکل ءُ‘ منجمد سیاسی نظام چرینگ نا بناءِ کرینے،14 مئی خڑک بسنے۔سیاسی جماعت آک اسہ موقف آبریر تو عدالت گنجائشت کشنگ کیک۔

(آن لائن)

Get real time updates directly on you device, subscribe now.

Leave A Reply

Your email address will not be published.