ڈیگاری، کولاکانڑ زیاری گیس پر مننگ آن دھماکہ، 7 بندغ زوال،3 ٹھپی

0

Get real time updates directly on you device, subscribe now.

کوئٹہ(آن لائن) کوئٹہ نا کیبی علاقہ ڈیگاری ٹی سواب جی کول کمپنی کولا کانڑ اس زیاری ءُ گیس اسے نا پُر مننگ آن دھماکہ ‘ ہراٹی 7کان کن زوال کریر و مسٹ ٹھپی مسر، ہرافتا لاش تے کشسا اوفتے علاقہ غاتیا راہی کننگا، واقعہ کولا کانڑ اٹ رکھوک گام گیج و آسراتی تا مفننگ نا سوب آن پیش بس، ترجمان کان کن لیبر یونین ڈیگاری صدر محمد اقبال یوسفزئی نا رداٹ تدوک آ دے جمعہ نا چھٹی مننگ آن پد ہم کان کن آتے کولا کشنگ کن راہی کننگا ولدا ہم سوراب جی کول کمپنی ڈیگاری نا کولا کان اٹ جمعہ نا دے زیاری ءُ گیس اسے نا پُر مننگ آن پد دھماکہ مس ہرانا سوب آن مچ آ کانڑ ڈَم مس، او کانڑ اٹ ساڑی 7 کان کن زوال کریر او مسٹ ٹھپی مسر گھنٹہ اس گدرینگ انگ آن پد کان کن تا لاش تے کشار، زوال کروک آ کان کن تیان 4 انا تعلقداری ہزارہ برادری و مسٹ نا ڈیگاری آن پاننگانے یات سلے کہ صوبہ نا سخت انگا مش تا سینہ غاتے چیرسا کولا کشوک آ مزور تا حالیت 21 میکو کرن اٹی ہم بدل متو او ہڑدے کوئلہ کان تیٹی شکست آک مرسا ءُ، ہرانا سوب آن کیہی جانک زیاں مننگ اٹی ءُ، ولدا ہم حکومتی کہول آ نہ محکمہ مائنز نا کنڈآن کوئلہ کان مالک آک او نہ ٹھیکیدار آتا برخلاف ہچ ءُ کارروائی اس کننگ اٹی افس، مزور تا پاننگ ءِ کہ غریبی نا دو تیان مزوری کن برینہ ولے کولا کانڑ تیٹی ہچ ءُ رکھوک گام گیج اس مفننگ نا سوب آن شکست آک مریرہ، وخت اس کہ ننا مون آ کیہی اُراک ویران مننگ اٹی ءُ، ولے حکمران تے غریب کان کن تا زند آتتون ہچ ءُ کاریم اس اف۔

Get real time updates directly on you device, subscribe now.

Leave A Reply

Your email address will not be published.