کورونا چیلنج نا مون ءِ توننگ کن غٹ اختلاف آتے اسہ کنڈ کروئی تمک، وزیر خارجہ

اسلام آباد(اے پی پی) وزیر خارجہ مخدوم شاہ محمود قریشی پارینے کہ سلف آئسولیشن ، ہیلتھ پروٹوکول نا پیروی ءِ کننگ کن المی ءِ ولے ہردے ئی دفتری کاریم تے اُراغان سرانجام تننگ اُٹ، ننے دا چیلنج اتون مون تننگ کن اسہ اجتماعی حکمت عملی اسے نا گرج ءِ جمعہ نادے آ تینا اسہ بیان اسے ٹی اوپارے کہ تدوک آدے ٹیلفون نا کمک اٹ سیکرٹری خارجہ تون ہیت مس و نن فیصلہ کرین کہ ساڑی حالیت آتے مون آ تخسا دفتر نا اسٹاف ءِ کم آن کم تخنگے و ایلو اسٹاف ہراپبلک ٹرانسپورٹ ناکمک اٹ ہڑدے دفتر آ بریرہ اوفتے اُراٹی تولوک فرض ءِ سرانجام تننگ نا ترغیب تننگے۔ اوپارے کہ ای تو پاوہ کہ ہر ادارہءِ داوڑنا چنکو چنکو رکھی گام گیج کروئی مریک، نن دا ہیت ءِ بایدے مون آ تخن کہ صوبائی یا بنجائی حکومت، خاہوت، و بندغ اس دا چیلنج نا تنیا مقابل ءِ کننگ کپک داڑتون مون تننگ کن ننے غٹ اختلاف آتے اسہ کنڈ تخسا اواری اٹ دا چیلنج تون مون تروئی مریک۔ وزیر خارجہ پارے کہ نن مہالو آن داپاننگ اُن کہ دا وخت سیاسی و اختلاف آتا اف سیاست کننگ کن بھلو وخت اس تموک ءِ ، داوخت آ سیاسی سرکڑدہ غاتا کنڈآن قومی بیانیہ نا ہیت بے کچ جوانءُ ہیت اسے۔