وزیراعظم کوروناوائرس نا ساڑی حالیت آتا تینٹ چاروکی ءِ کننگ ءِ، ظفر مرزا

0

Get real time updates directly on you device, subscribe now.

اسلام آباد(اے پی پی) وزیراعظم نا خصوصی کمکار جان جوڑی ڈاکٹر ظفر مرزا کورونا وائرس نا معلومداری کن جوڑکروک ہیلپ لائن نا دورہ ءِ کرے، تعلقدار کمامدارآک ہیلپ لائن نا بابت ڈاکٹر ظفر مرزا ءِ حوال تسر۔ داوخت آ گپ وتران کرسا ڈاکٹر ظفر مرزا پارے کہ بنجا و صوبائی حکومت آک اواری اٹ اسہ قومی ایکشن پلان اسے آ سِخت اٹ عملدرآمد کننگ ءُ، وزیراعظم عمران خان کورونا وائرس نا ساڑی آ حالیت آتا تینٹ چاروکی ءِ کننگ ءِ اوپارے کہ حالیت آتا ہر ساہت چاروکی ءِ کننگ انگ ءِ و غٹ تعلقدار ادارہ، وزارت جانجوڑی کورونا وائرس تون مون تننگ کن ہروڑنا گام گیج آتے پک کننگ ءِ اوپارے کہ حکومت پاکستان اولیکو دے آن کورونا وائرس آن بچنگ کن گچین گام گیج آتے پک کننگ ءِ اوالس آ زور شاغا کہ پاریزی و احساس زمواری اٹ داوائرس نا تالانی ءِ توننگ کینہ ، ننےغٹ اواری اٹ کوروناوائرس نا ڈٹ کر مقابلہ ءِ کروئی ءِ، داڑآن خلوئی اف۔ اومستی پارے کہ کورونا وائرس تون مون تننگ کن ڈٹ کر مقابلہ ءِ کننگ آن جیت ننا مریک۔ اوالس آ زور شاغا کہ حکومت پاکستان نا جاری کروک پاریزی آ عملدرآمد ءِ پک کیر۔ اوپارے کہ کورونا وائرس نا بارواٹی الس ءِ آگاہی فراوان کننگ اٹ میڈیا نا بھاز بھلو کڑد اسے۔ اوپارے کہ کورونا وائرس نا بارواٹی معلومداری کن 1166آ رابطہ کننگ مریک۔ 9ہزار آن زیات کالز ہڑدے ہیلپ لائن آ موصول کننگ انگ ءِ۔

Get real time updates directly on you device, subscribe now.

Leave A Reply

Your email address will not be published.