ڈی سی نا ضلع شیرانی ٹی چنا تا لاش تا خننگ انگ نا واقعہ نا نوٹس
شیرانی، ضلع شیرانی اٹی اِرا چنکا چنا تا لاش تا خننگ نا است ہسون واقعہ غا ڈپٹی کمشنر شیرانی کلیم اللہ کاکڑ دمدستی نوٹس ہلسا اسسٹنٹ کمشنر سب ڈویژن مانی خواہ گل نواز بلوچ تون اوار واقعہ نا جاگہ نا دورہ ءِ کرے و کمکی و انتظامی کارروائی تا تینٹ چاروکی ءِ کرے۔ حوال رسینگ آن پد ڈپٹی کمشنر شیرانی دمدستی وڑ اٹ واقعہ نا جاگہ غا سر مس، ہراڑے او چناتا لاش تے مشکل آ مشی آ علاقہ غان رکھی وڑ اٹ شیف اتنگ کن ایمبولینس ہم جاگہ غا سرکرفے۔ دا وخت آ علاقہ نا ہندی بندغ آک ہم ساڑی ئسر، ہرافک ضلعی انتظامیہ تون کمک کرسا لاش تے مشی آ جاگہ غان شیف اتنگ اٹی کمک کریر‘ واقعہ غان پد منہ ورنا تا کنڈ آن نیشنل ہائی وے آ برانز کننگا، ہراڑا ڈپٹی کمشنر شیرانی کلیم اللہ کاکڑ علاقہ نا متبر آتتون مذاکرات کرے۔