سیکرٹری کشت وکشار امید علی نا خدمت آک ستا کڑزرہ‘ سردار زادہ صمد عمرانی

قلات: سیاسی و قبائلی راہشون سردار زادہ میر عبدالصمد عمرانی تینا بیان اسے ٹی پارینے کہ سیکرٹری کشت وکشار امید علی نا خدمت آک ستا کڑزرہ۔ ڈی جی واٹر مینجمنٹ، علی رضا جمالی ڈپٹی ڈائریکٹر، سید سکندر شاہ ٹیم لیڈر، میر طاہر خان رودینی و ایلو افسرک ایماندار آ بندغ آتیٹی محکمہ کشت و کشار نا کنڈآن منظور کروک آ گھنٹہ جات آتے حقدار، غریب آ بندغ آتیٹی بشخ وپانٹ کننگ اوفتا علاقہ نا باتی و اُلس تون مخلصی نا شاہدی اسے و نن اومیت کینہ کہ مستی ٹریکٹر گھنٹہ منظور مننگ نا حالیت اٹ ہم افسرک تینا زموار آتے جوان وڑاٹ پورو کیرہ۔ ہندن غریب، مسکین حقدار آتیٹی بشخ وپانٹ کرسا کیرہ۔ او پارینے کہ قلات ڈسٹرکٹ ءِ داوڑ نا ایماندار ءُ افسر اسے نا گرج ءِ۔ ہرا بیدس رنگ و نسل اُلس نا خدمت ءِ کرسا کرینے۔ دا افسر تا دا کاریم ستا کڑزک۔

(آن لائن)