دالبندین سوزی منڈی ٹی آسراتی تا کاختی، مخلوق خوار

چاغی :  دالبندین سوزی منڈی ٹی آسراتی تا کاختی، سوزی منڈی ءِ ہرا مسخت کن جوڑ کننگا دا مسخت نا دوئی کننگ کن محکمہ بے سہب خننگ اننگ ءِ۔ سوزی منڈی مننگ آن پد ہم شار انا روڈ و بازار تیٹی ریڑھی و گاڑی والاک فروٹ و سوزی بہا کننگ اٹی ءُ۔ ہراڑان نہ بیرہ ٹریفک نا روانی ءِ ویل آک دوئی ءُ وخت اس کہ نرخ آتیٹی ہم فرق بننگ اٹی ءِ۔ اُلسی تپہ غاتا پاننگ ءِ کہ پنجاہ لکھ روپئی نا خرچہ آن جوڑ کروک آ سوزی منڈی نا نیمہ غان زیات بشخ اینو ہم خالی تموک ءِ۔ شار انا تہٹی تالان انگا فٹ پاتھ و گاڑی والا تے پابند کننگے کل سوزی منڈی آ شفٹ مریر تانکہ اُلس ءِ اسہ جاگہ غا کل گڑاک رسینگر۔ وخت اس کہ نہاد آک ہم اسہ وڑ مریر۔ سوزی منڈی ءِ اگہ ہندن غیر فعال ہلنگا و شار انا تہٹی سوزی بہا کروک آتے منڈی ٹی شفٹ کننگتو تو ہمو دے مر اف سبزی منڈی کپی جوڑ مریک۔

(آن لائن)