حکومت کبینی نا توننگ نا بابت بے سہب مسنے، سینیٹر قادر

کوئٹہ:  چیئرمین اسٹینڈنگ کمیٹی برائے پیٹرولیم و رسورسز و سیاسی و اقتصادی ویل آتا ماہر سینیٹر عبدالقادر تینا بیان اسے ٹی پارینے کہ حکومت کبینی آ کنٹرول کننگ اٹ پورو وڑاٹ بے سہب مسنے۔ کن خور نا گڑاک اُلس نا ہلنگ نا وس آن پیش تمانو۔ پیہن پچی و خوانوک آ بندغ آک قرضدار ہلکنو۔ ولدا اوفک دزی و داڑیلی ءِ بنا کریر۔ دزی نا سوب آن مچ آ ملک اٹ دوبہ غاک ودکی مننگ اٹی ءِ۔ ملک اٹ امن و ایمنی نا حالیت ترندی ٹی خراب مرسا کننگ ءِ۔ گریزی و بد انتظامی نا سوب آن کن خور نا گڑاک اُلس نا وس آن پیش تمانو۔ دا وخت آ پال/ 220 روپے لیٹر، دہی240 روپئی کلو، نت180 آن 190 روپئی کلو، برنج 460 روپئی کلو، بورہ160 روپئی کلو،کوکنگ آئل 620 روپئی لیٹر، سی570 روپئی کلو وخت اس کہ دہ کلو نت انا لوتھ 1850 روپئی اا بہا مننگ اٹی ءِ۔ دال، سوزی و سو انا نہاد آک ہم شیفکو و غریب آ اُلس نا وس آن پیش تمانے۔ ہندا حالیت دارو تا نہاد آتا ءِ۔ داسہ حالیت دادے کہ بندغ اس ناجوڑ مرے تو دارو و ناجوڑی تا درمان دافتا سر مننگ آن پیش تمانے۔ حوال نا رداٹ

(آن لائن)