ووٹ بینک گنج ءِ، کس انا ہن بر آن فرق تمپک، عمران خان

لاہور : پاکستان تحریک انصاف نا چیئرمین و مسکوہی وزیراعظم عمران خان پارینے کہ ہرا پاکستان نا کل آن بھلا داڑیل ءِ و نروک ءِ‘ ولدا او پدی پاکستان آبرے گچین کاری تے ٹی بشخ ہلے‘ دا گچین کاری تا سال ءِ‘ ہمو ہرا ملک مرو ہراڑے گچین کاری تا سال مرے و جلسہ کننگ ناموکل مف۔ جناح ہاؤس آ جلہو آن ملک ڈنڈور مس‘ ای مذمت ءِ تے کیوہ‘ بایدے دن مفروسس۔7ہزار بندغ ءِ دزگیرکرسا پی ڈی ایم تینٹ پاسینگانے‘ تدوک آ 35سال اٹ دا وڑانا ریاستی بیدادی خنتنٹ‘ بیرہ عدلیہ شاری تا حق آتا رکھ ءِ کننگ اٹی ءِ‘ داخس وونٹ بینک تخوک جماعت آن کس انا ہننگ آن ہچ فرق تمپک‘ گڈیکو گیند اسکان گوازی کروک آ کپتان اٹ‘ آخریکو گیند اسکان گوازی کیوہ۔ انسداد دہشت گردی نا عدالت اٹ پیشی ناو خت آ میڈیا تون ہیت وگپ کرسا عمران خان پارے کہ جناح ہاؤس جلہو نا مذمت ءِ کیوہ‘ ہر پاکستانی دانا مذمت ءِ کننگ اٹی ءِ‘ انت کہ مس بایدے دن مفروسس۔ مسکوہی وزیراعظم پارے کہ میڈیا کن تینا اُراءِ ملاٹ نشان تسٹ‘ اوڑے دہشت گرد آتا مننگ نا ہیت آک راست افس‘ پی ڈی ایم نا گام گیج و انسانی حق آتا خلاف ورزی تیان بیرہ ملک ڈنڈور مس‘ خلیس وبھیم انا چاگڑد اٹ ملک چلینگ کپک۔ 7ہزار بندغ ءِ دزگیر کرسا پی ڈی ایم تینٹ پاسینگان۔ ہندا بنداو آ پاریسٹ کہ اسہ ہفتہ ٹی باندات آک جوان مریرہ۔ عمران خان پارے کہ ہرا جماعت نا وونٹ بینک داخس زیات مرے اودے کس اس کٹنگ کپک۔ داخس وونٹ بینک تخوک جماعت اٹ کس انا ہننگ بننگ آن ہچ فرق تمپک۔ عمران خان پارے کہ یکطرفہ مذاکرات مننگ کپک‘ نن تو 11تُو آن مذاکرات نا ہیت ءِ کننگ اٹی ان‘ عمران خان مستی پاے کہ تدوک آ 35سال اٹ داخس ریاستی بیدادی ختنٹ‘ مشرف نا دور اٹ ہم دا وڑ متویسس‘ ضیاء نا دور انا سما اف ولے داخس بھلو کریک ڈاؤن مہالو متنے‘ مخلوق نا حق آتے خلنگانے‘ داحالیت آتے ٹی بیرہ عدلیہ انا شاری تا حق آتا رکھ ءِ کننگ اٹی ءِ۔

(آن لائن)