یو اے ای تون تعلقداری تے سوگو کننگ خوانہ، وزیراعظم شہباز شریف
Get real time updates directly on you device, subscribe now.
اسلام آباد: وزیراعظم محمد شہباز شریف پاکستان متحدہ عرب امارات تون چندی بشخ آتیٹی تعلقداری تے ودفنگ نا خواہندار ءِ، متحدہ عرب امارات نا زرکارآتے ہرممکن کمک فراوان کننگک۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او متحدہ عرب امارات نا شاہی خاہوت نا باسک و ابوظہبی پورٹس انا چیئرمین شیخ احمد دلموک المکتوم تون گپ وتران کرسا کرے ہرا ڈل اتون اوار جمعہ نادے ا داڑے اوڑتون اوڑدہی کرے۔ پاکستان و متحدہ عرب امارات نا نیام اٹ ایلمی تعلقداری نا ذکر ءِ کرسا وزیراعظم پارے کہ پاکستان متحدہ عرب امارات تون چندی بشخ خاص وڑاٹ واپار و زرکاری ٹی ایلمی تعلقداری ءِ پین ودفنگ ءِ خاص اہمیت ایتک۔ وزیراعظم ابوظہبی پورٹس نا پاکستان نا بندرگاہ و شپنگ نا صنعت اٹی زرکاری ٹی بھاز است خواہی نا ستاءِ کرے۔ شیخ احمد دلموک المکتوم پارے کہ پاکستان اٹی متحدہ عرب امارات نا زرکاری ءِ ودفنگ نا مسخت آن اونا اِرا تُو انا گونڈ مد اٹی پاکستان نا دا ارٹ میکو دورہ ءِ۔ وزیراعظم باوری کرفے کہ متحدہ عرب امارات نا زرکارآتے ہرممکن حکومتی کمکاری فراوان کننگک۔ داوخت آ بنجائی وزیرخزانہ اسحاق ڈار، وزیر بحری امور سید فیصل علی سبزواری، خصوصی کمکار ڈاکٹر جہانزیب خان، طارق فاطمی و تعلقدار بڑزکو کمامدارآک ہم ساڑی ئسر۔ پاکستان اٹی متحدہ عرب امارات نا سفیر حماد عبید ابراہیم سالم الزابی ہم اوڑدہی ٹی ساڑی ئسک۔
(اے پی پی)