چیئرمین سینیٹ نا سینیٹر منظور احمد کاکڑ نا ایلم نصیر کاکڑ آ قاتلانہ جلہو نا ترندی اٹ مذمت
Get real time updates directly on you device, subscribe now.
اسلام آباد: چیئرمین سینیٹ محمد صادق سنجرانی بلوچستان عوامی پارٹی نا پارلیمانی لیڈر سینیٹر منظور احمد کاکڑ نا ایلم نصیر کاکڑ آ قاتلانہ جلہو نا مذمت ءِ کرینے۔ جمعہ نادے آ سینیٹ سیکرٹریٹ آن جاری بیان نا رداٹ چیئرمین سینیٹ واقعہ ٹی ٹھپی مروک آتا زوت دراخ جوڑی کن دعا کرے۔ محمد صادق سنجرانی سینیٹر منظور احمد کاکڑ تون رابطہ کرسا ہمدردی نا درشانی ءِ کرے۔ اوپارے کہ واقعہ ٹی اوار شرپسند زموارآتے سخت آن سخت سزاتننگک۔ ڈپٹی چیئرمین سینیٹ مرزامحمد آفریدی ہم سینیٹر منظور کاکڑ نا ایلم آ قاتلانہ جلہو نا مذمت ءِ کرے و سینیٹر منظور کاکڑ تون یکجہتی نا درشانی ءِ کرے۔
(اے پی پی)