پیپلزپارٹی مدام کشمیر کاز اکن توار بڑزکرے، کرن بلوچ

کوئٹہ: پاکستان پیپلزپارٹی ویمن ونگ بلوچستان نا سیکرٹری حوالکاری کرن بلوچ پارینے کہ چیئرمین پاکستان پیپلزپارٹی و وزیرخارجہ بلاول بھٹو زرداری کشمیری تا است انا دھڑکن و تحریک آجوئی کن برسرپیکار کشمیری تا حق آجوئی کن اومیت نا روشنائی ءِ، بلاول نا دورہ آزاد کشمیر اہمیت تخک۔ جمعہ نادے آ تینا بیان اٹی کرن بلوچ پارے کہ 5 اگست نا واقعہ غان پد آن مقبوضہ کشمیر دنیا نا غٹ آن بھلا زندان اٹ بدل مسنے، پیپلزپارٹی مدام کشمیر کن توار بڑز کرے و وزیرخارجہ بلاول بھٹو زرداری نا دورہ کشمیر ہم ہندانا کڑی ءِ۔ اوپارے کہ چیئرمین پیپلزپارٹی نا ہندن ءُ وخت اسے آ21 مئی آ آزاد کشمیر آ ہِننگ ءِ کہ ہراتم بھارت نا غیر کانودی کوزہ ٹی جموں وکشمیر اٹی مودی حکومت G20کانفرنس کرفنگ ءِ۔ کشمیر نا بابت پاکستان پیپلزپارٹی نا موقف مدام پیدوار مسنے تکمیل پاکستان و مقبوضہ کشمیر نا آجوئی اسکان تینا پبی کڑد ءِ ادا کرسا کیک۔ جی 20 ملک آک اقوام متحدہ نا باسک مننگ نا ناطہ کشمیر اٹی بھارتی ظلم ءِ تورفنگ اٹ کمک کیر۔

(اے پی پی)