القاد ر ٹرسٹ کیس: عمران خان نیب انا کرپشن نا دوبہ غاتے مستردکرے
نیب نوٹس اٹی خلنگوک کل دوبہ غاک سٹی و دروغ ءُ، وکیل آتا کمک اٹ نیب اٹ ورندی جمع کرفینٹ
Get real time updates directly on you device, subscribe now.
اسلام آباد : القادر ٹرسٹ کرپشن کیس، عمران خان نیب نوٹس اٹ خلوک کرپشن نا دوبہ غاتے مسترد کرے‘ نیب نوٹس اٹ خلوک کل دوبہ غاک سٹی و دروغ ءُ‘ وکیل آتا کمک اٹ نیب ءِ ورندی جمع کرفیٹ۔ نیب اٹ برطانیہ غان 19کروڑ پاؤنڈ غیرکانودی وڑ اٹ گدریفنگ کیس اٹ عمران خان ورندی جمع کرفسا پارینے کہ نیب انا کنڈآن تروک نوٹس اٹ ہرا دوبہ غاتے خلنگانے او سٹی و دروغ ءُ۔ چندی مقدمہ غاتے ٹی ضمانت کن لاہور اٹی اٹ‘ ہندا سوب آن نیب اسلام آباد اٹ پیش مننگ کپرہ‘ وکیل آتا کمک اٹ ورندی جمع کرفنگ اٹی اٹ۔ عمران خان ورندی ٹی پارے کہ نیب انکوائری ٹی اسہ نوٹس اس جاری کرے ہرانا پورو ورندی ءِ تننگ اٹی اٹ‘ دزگیری ناوخت آ نیب انکوائری رپورٹ ءِ تس ہرا پولیس لائن اٹ سلیس۔ پولیس لائن اٹ انکوائری رپورٹ تون اوار پچ و شیونگ کٹ ہم سلیسنے۔ عمران خان ورندی ٹی مستی پارینے کہ پولیس لائن اٹ سلوک انکوائری رپورٹ، پچ و شیونگ کٹ ءِ دمدستی زمان پارک آ راہی کننگے‘ نیب انا انکوائری رپورٹ آن بیدس نیب نوٹس نا ورندی ءِ تننگ کپرہ یا ای تینا وکیل گوہر علی خان ءِ راہی کیو ہرا نیب انا دفتر آن انکوائری رپورٹ ءِ ہََلے۔
(آن لائن)