عمران خان نا فسطائیت نا بست و بند مننگ اٹی ءِ، مریم اورنگزیب

0

Get real time updates directly on you device, subscribe now.

اسلام آباد: بنجائی وزیر حوالکاری و شینکاری مریم اورنگزیب پارینے کہ عمران خان نا فسطائیت، ملک دشمنی و ملک آ جلہو گیر مننگ نا بست وبند کننگ انگ ءِ، بست وبند مننگ ءِ کہ پین وخت اس کس اس سیاست نا لبادہ ٹی ملک دشمنی کپ۔ پنچ شنبے نادے آ عمران خان نا بیان آتینا ردعمل نا درشانی ءِ کرسا تینا ٹویٹ اٹی بنجائی وزیر حوالکاری پارے کہ حکومت ہندن بست و بند کننگ ءِ کہ آخبت کس اس ریاست آ جلہو گیر مننگ کپ۔ آخبت شہید و غازی تا یات گار آتا کس اس بے شرفی ءِ کننگ کپ۔ اوپارے کہ عمران خان مخلوق نا مسن تا اُراتیا جلہو کرفے، مسن تے لمہ و باوہ نا مون آ دزگیر کرے، مخلوق نا ایڑھ تے گِر کرے اوکان پد ہم کس اس عمران خان آنبار ملک آ جلہو گیر متو۔ اوپارے کہ عمران خان سیاست نا لویس اٹ ملک و الس ءِ سزا تس، ملکی زرگزران ءِ اِلا نئے الس نا روزگار ءِ اِلا۔ بنجائی وزیر حوالکاری پارے کہ بست و بند مننگ ءِ تانکہ پاکستان نا تاریخ اٹ آخبت کس ا س دا کوشست و ملک دشمنی نا جیرت کننگ کپ۔

(اے پی پی)

Get real time updates directly on you device, subscribe now.

Leave A Reply

Your email address will not be published.