ایف آئی اے منی لانڈرنگ، دوبہ دار آتا ضمانت اٹی 30 مئی اسکان ودکی
Get real time updates directly on you device, subscribe now.
لاہور: لاہور نا سیشن عدالت ایف آئی اے منی لانڈرنگ نا مقدمہ ٹی مسکوہی بنجائی وزیر مونس الٰہی نا اُرائی تحریم الٰہی تون اوار ایلو 9 دوبہ دار آتا عبوری ضمانت اٹی 30 مئی اسکان ودکی کرے۔ ایڈیشنل سیشن جج غلام رسول پنچ شنبے نادے آ کیس انا سماعت ءِ کرے۔ چوہدری مونس الٰہی نا اُرائی تحریم الٰہی، زارا الٰہی، احمد فاران، مجاہد اسلام، صیغم عباس تون اوار ایلو دوبہ دار آتا عبوری ضمانت نا معیاد پورو مننگ آ عدالت اٹ پیش مسر و تینا حاضری ءِ خلفیر۔ راسخ الٰہی نا کنڈآن وکیل عامر سعید راں اسہ دے انا حاضری معافی نا درخواست دائر کرے۔ عدالت درخواست ءِ منظور کرے۔ عدالت غٹ دوبہ دار آتا عبوری ضمانت آتیٹی 30 مئی اسکان ودکی کرسا بروک آ سماعت آ ایف آئی اے آن جاست وپاستی رپورٹ ءِ بٹنگا۔
(اے پی پی)