بلوچستان قبائلی جھیڑہ غاتے سگنگ نا وڑ اٹ اف، میر ضیاء لانگو

کوئٹہ : صوبائی وزیرداخلہ میر ضیاء اللہ لانگو پارینے کہ بلوچستان قبائلی جھیڑہ غاتے پین سگنگ کپک۔ قبائلی جھیڑہ غاک بلوچستان نا پسماندگی ٹی بھلو دو اس ارے۔ دا خیال آتا درشانی ءِ او لہڑی و جاموٹ قبیلہ نا راہشون تتون اوڑدہی ناوخت آ کرے۔ وزیرداخلہ میر ضیاء اللہ لانگو پارے کہ بحیثیت بلوچستانی ننا کل انا فرض ءِ کہ صوبہ ءِ امن نا ہند جوڑ کین و قبائلی جھیڑہ غاتا خیر تے کین وخت اس کہ صوبائی حکومت دا رد اٹ تینا کوشست آتے اولیکو دے آن برجا تخانے و داکان پد ہم قبائلی جھیڑہ غاتے چٹفنگ کن کوشست کننگک۔او پارے کہ صوبائی حکومت لہڑی و جاموٹ قبیلہ نا نیام اٹ خیرخواہی و سادات تون کمک کیک تاکہ ویل ایسر مرے۔بلوچستان قبائلی جھیڑہ غاتے سگنگ نا وڑ اٹ اف، میر ضیاء لانگو

(خ ں)