وزیر اعلیٰ صوبہ نا شونداری کن کوشست کننگ ءِ، میر ضیاءلانگو

0

Get real time updates directly on you device, subscribe now.

کوئٹہ (خ ن) صوبائی وزیر داخلہ میر ضیاءاللہ لانگو پارینے کہ ساڑی صوبائی حکومت وزیر اعلی بلوچستان جام کمال خان عالیانی نا کماشی ٹی اُلس نا شونداری و شونہالی نا خواہندار ءِ، صوبہ نا شونداری و شونہالی وزیر اعلی بلوچستان نا اولیکو مشن ءِ ہرانا رداٹ تعلیم، جانجوڑی و انفراسٹکچر ڈویلپمنٹ آ کاریم کننگ انگ ءِ، تعلیم و جانجوڑی نا جوانی آن اُلس، خاص کر ورنا چین نا اُست خواہی مریک و او آخبت اٹ ملک و قوم نا جوان نمائندگی ءِ کیک، صوبائی وزیر داخلہ میر ضیاءلانگو پارینے کہ ملک اٹ قیام امن کن سیکورٹی فورس آک بے کچ قربانی تسنو۔ دہشتگردی نا ایسری کن فورس آتا کڑد کس اسے آن ڈھکوک اف، امن نا فضا قائم کننگ آن بیدس ملک انا شونداری نا کسر آ لگنگ مشکل آخا وخت اس کہ ناممکن مریک۔ صوبائی حکومت اُلس نا زرگزرانی، راجی او اقتصادی شونداری نا گام گیج آتے ہرفسا اُلس نا زند انا آب ءِ بڑز کننگ کن کاریم کننگ اٹی ءِ، مفاد عامہ کن کروک آ گام گیج آتیان راج انا شونداری ءِ پک مریک، ہندا سوب آن ننا پورا کوشست مریک کہ شونداری گام گیج آتے اولیت تننگے۔

Get real time updates directly on you device, subscribe now.

Leave A Reply

Your email address will not be published.