بجلی نا بشخ ملک انا اقتصادی پیداوار ءِ زہمی ککننگ اٹی ءِ، عمران خان

اسلام آباد(آن لائن)وزیراعظم عمران خان بجلی نا بشخ اٹ اصلاحات نا بابت اٹ تدوک آ دے دیوان نا کماشی ءِ کرے۔ دیوان اٹ بنجائی وزیر ڈٹ بندی اسد عمر،وزیر بجلی عمر ایوب،خاص آ کمکار شہزاد قاسم، خاص انگا کمکار ندیم بابر و سینئر کمامدار آک بشخ ہلکر، دیوان اٹ پاور بشخ نا بابت معاملات،شعبہ ٹی اصلاحات و اول سر تشکیل نا مجوزہ روڈ میپ و سرکلر ڈیبٹ تون اوار اوار آئی پی پی نا بابت مذاکرات آمبار ویل آک زیر بحث بسر۔ دیوان نا وخت آ وزیراعظم آئی پی پی معاہدہ غاتے ٹی باہمی اتفاق رائے آن بدلی تیٹی پیشرفت نا ستا ءِ کرے او پارے کہ بہاد تیٹی جوانی آن سرکلرڈیبٹ اٹ کمی اتنگ اٹ کمک رسینگک۔ وزیراعظم پارینے کہ بجلی نا بشخ ملک انا اقتصادی پیداوار ءِ زہمی کننگ اٹی ءِ او زو اس صارف آتیا ساڑی بوجھ ءِ کم کننگ کن اصلاحات و اول سر تشکیل تننگ نا عمل المی ءِ۔ وزیراعظم مالو آن منظور مروک آ ری سٹرکچرنگ روڈ میپ آ زوت اس عملدرآمد نا پارت کرے۔ وزیراعظم وزیر بجلی ءِ پارت کرے کہ اُلس ءِ آئی پی پیز تون مذاکرات اٹ بھلو سنگ میل و ڈومیسٹک و کمرشل تون اوار ایلو صارف آتے اوفتا فائدہ غاتیان معلومدار کننگے۔