پولیو آن پاک راج ننا مشن ءِ‘ ‘عزت نذیر بلوچ
Get real time updates directly on you device, subscribe now.
قلات (فیض نیچاری) ڈپٹی کمشنر قلات عزت نذیر بلوچ‘ ڈی ایچ او ڈاکٹر نصراللہ لانگو اسک پارینو کہ پولیو آن پاک راج ننا مشن ءِ‘ پولیو اسہ خطرناک ءُ ناجوڑی سے‘ مچ آدنیانا دا ناجوڑی آن پاک مسنے داسہ دنیا پاکستان ناکنڈ آ ہُننگ اٹی ءِ‘ ننے ہر حال اٹ تینا ملک ءِ دا ناجوڑی آن پاک کروئی ءِ‘ پولیو مہم 17 اگست آن 21اگست اسکان چلیفنگک دا مہم اٹ 47ہزار 7سَد 48 چناتے پولیو ناپڑی کنفنگ نا ہدف پک کننگانے ہرادے انشاءاللہ پورو کننگک‘ ننے تینا آخبت ءِ پولیو آن بچفنگ کن تینا پنچ سال انا چناتے پولیو نا پڑی کنفوئی ءِ۔ دا خیال آتا درشانی ءِ او پولیو مہم نا بناءِ کننگ نا وخت آ ہیت وگپ کرسا کریر۔دا وخت آ ایس ایس پی قلات اسکواڈرن لیڈر(ر) عبدالحق عمرانی، ایم ایس ڈی ایچ کیو ہسپتال قلات ڈاکٹر علی اکبر نیچاری، ڈی ایس پی غلام حسین باجوئی، پیرامیڈیکل ایسوسی ایشن قلات نا صدر آغا حفظ الرحمن شاہ، عبدالوحید بلوچ وایلوفک چناتے پولیو ناپڑی کنفسا مہم نابناءِ کریر۔