بلوچستان اٹی سیاسی، السی، انتظامی فرسٹریشن ساڑی ارے، ڈاکٹر مالک بلوچ

کوئٹہ(آن لائن ) مسکوہی وزیراعلیٰ بلوچستان و نیشنل پارٹی نا بنجائی صدر ڈاکٹر عبدالمالک بلوچ پارینے کہ بلوچستان نا اُلس تینا حق آتے سمجھک ولدا ہم ساڑی حکومت اٹ انتظامی مرے یا لیڈر شپ نا بابت اٹ اُلسی ویل آتون مون تننگ نا لائخی اف۔ بلوچستان اٹ سیاسی، اُلسی، انتظامی فرسٹریشن ساڑی ءِ، بلوچستان نا ویل آ ارا مائنڈسیٹ اسہ مذاکرات نا حق اٹ وخت اس کہ ارٹمیکو دانا برخلاف ءِ ایہن تو براہمدغ بگٹی نا خواست آتیٹی علاقہ ٹی سکول،ہسپتال ،بجلی و دیر انا ڈٹ آک اوار ئسر، بے گواہ آ بندغ آتا ویل ، سرسہب مذاکرات او بلوچستان اٹ انسرجنسی نا ایسری اسکان ہندن آن ہندن سلیک، ننا پالیسی امن ءِ ہراڑان بیدس نن شون ہلنگ کپنہ، سامراجی جنگ آک ننے بھس کریر امریکی صدر ٹرمپ تینٹ چاہک کہ امریکہ نا مڈل ایسٹ واوغانستان اٹ بننگ بھلو ردی اس ئس، سیاسی جماعت آتا المیہ مسنے کہ ننوئی نن پارٹیک اُلسی مفاد آتا برخلاف جوڑ مریک، بی اے پی ہندا جماعت آتا کاریم ءِ، سیاسی جماعت آک زوراکی ٹی جوڑ مفسہ وخت اس کہ فکر و تاریخی اتقائی عمل آن گدرینگسا جوڑ مریرہ۔ دا خیال آتا درشانی ءِ او تینا اسہ انٹرویو سے ٹی کرے۔ ڈاکٹر عبدلمالک بلوچ بلوچستان نا اولیکو سینئر ومتحرک سیاستدان ئس ہرا شیفکو تپہ غان تعلق تخاکہ، او تینا زند انا بھلو بشخ اس سیاست اٹ گدریفینے او سیاستدان تون اوار دانشور اس ہم ارے وخت اس کہ اونا حالیت آتیا بھلو نظر اس مریک۔ شینکاری ادارہ ءِ خاص ءُ انٹرویو سے ٹی ڈاکٹر عبدالمالک بلوچ پارینے کہ پاکستان نا سیاسی جماعت آتا تاریخ اٹ المیہ ءِ کہ داڑے ننوئی نن ایوب خان آن ہلیس ضیا الحق، مشرف نا دور او داسہ ساڑی بلوچستان عوامی پارٹی،دا پارٹیک جوڑ مرسا کیرہ و اُلسی مفاد آتا برخلاف جوڑ مریرہ ننکن کل سیاسی جماعت آک ہرا جہد انا پیداوار ءُ۔ قابل احترام ءُ، ہرافتا ہچ ءُ تاریخی پس منظر اس مرے، ای تکوہ کہ بلوچستان عوامی پارٹی ہم ہمو جماعت آتا کاریم ءِ، کنونشن لیگ مرے، مشرف نا ق لیگ مرے، دا ہم اوفتون ملوک ءُ پارٹی اسے۔