چیمپئنز لیگ‘ بائرن میونخ بارسلونا ءِ کٹسا ایونٹ آن آؤٹ کرے

لاہور (مانیٹرنگ ڈیسک) یوئیفا چیمپینز لیگ نا کوارٹر فائنل اٹ بارسلونا نا فینز تے اسہ ہندن ءُُ جھٹکہ اس لگا ہرانا اوفک ہچ سجفتویسُر، جرمن کلب بائرن میونخ اسہ یا ارا گول آخا 8 گول کرے و بارسلونا ءِ بے سہب کرسا ایونٹ آن کشا۔ لزبن اٹ مروک آ یوئیفا چیمپئنز لیگ نا کوارٹر فائنل اٹ بائرن میونخ فیورٹ بارسلونا تون مون تسکہ۔ فین تا فیورٹ بارسلونا ءِ بائرن میونخ ءِ دک اس خلک ہرا اودے بھلو وخت اسسکان یات سلک۔ یورپیئن ہیوی ویٹ اسپینش کلب نا پلئیرک مخالف نا مون آ آف کلر خننگار۔ 90 منٹ نا دا گیم اٹ بارسلونا نا برخلاف بائرن میونخ اسٹ ارٹ آخا وخت اس کہ 8 گول کرے۔ ایورن پیریزک، سرج گینبری، رابرٹ لوڈیسکی، تھامس مولر بنا ٹی گول کرسا بارسلونا ءِ بیک فٹ آ شاغا۔ وقفہ آن پد سواریز گول اسکور کرسا بارسلونا ءِ گڑاس سیبو تس ولے تینا ٹیم ءِ کٹنگ نا کسر آ اتنگ کتو۔ بائرن نا کنڈآن مولر و فلپ کوٹینہو ارا ارا گول اسکور کرے و تینا ٹیم ءِ ہشت ارٹ آن کٹفسا یوئیفا چیمپینز لیگ نا سیمی فائنل اٹ سر کرفے۔