پاکستانی ماشل آرٹ ماسٹرمحمد راشد اسہ پین بھارتی ریکارڈ اسے آ کوزہ کرے

لاہور (مانیٹرنگ ڈیسک) پاکستانی ماشل آرٹ ماسٹرمحمد راشد اسہ پین بھارتی ریکارڈ اسے آ کوزہ کرے۔ کراچی آن تعلق تخوک آ ورنا محمد راشد اسہ وار ولدا بھارتی کراٹے ماسٹر ءِ بے سہب کرسا پاکستان نا پن ءِ دنیا ٹی بڑز کرے۔ راشد نیسم اسہ گھنٹہ ٹی 10 کلو وزن تفسا 1370 ککس خلسا بھارتی ریکارڈ ءِ پرغا، داکان مست دا ریکارڈ ءِ بھارت نا جے انتھ ریڈی تون ئس ہرا اسہ گھنٹہ ٹی 1155 ککس خلکوسُس، دا ریکارڈ تون راشد نسیم نا ریکارڈ آتا کچ 60 مس وخت اس کہ پاکستان اکیڈمی آف ماشل آرٹس نا کنڈآن جوڑ کروک آ دا 74 میکو ریکارڈ ئس۔ محمد راشد داکان مست ہم بھارت نا 15 آن زیات ریکارڈ پرغانے۔ راشد نسیم پارینے کہ پاکستان کن 60 آن زیات ریکارڈ جوڑ کرینے، چاوہ کہ حکومت پاکستان کنا خدمت آتا ستا ءِ کرسا سرکاری اعزاز تس، محمد راشد نا بروک آ ٹارگٹ ریکارڈ نا سینچری جوڑ کروئی ءِ، تینا دا ریکارڈ ءِ پاکستانی اُلس نا پن آ کیوہ۔