مسکوہی بھارتی کرکٹر چیتن چوہان 73 سال نا وہی ٹی کورونا وائرس نا سوب آن زوال
Get real time updates directly on you device, subscribe now.
ممبئی (مانیٹرنگ ڈیسک) مسکوہی بھارتی کرکٹر چیتن چوہان 73 وہی اٹ تپاخت کرے۔ بھارت نا مسکوہی کرکٹر چیتن چوہان 73 برس نا وہی اٹ تپاخت کرے۔ او تدوک آ تو اٹ کوویڈ 19 نا گواچی مسوسُس۔ در ملکی میڈیا نا رپورٹ نا رداٹ چیتن چوہان کورونا وائرس ٹیسٹ مثبت بننگ آ جولائی آن ہسپتال اٹ داخل ئس۔ چیتن چوہان 1973 آن 1981 اسکان لیجنڈری گوازی گر سنیل گواسکر تون اوپننگ جوڑی نا وڑ اٹ پنی ئس۔ او 40 ٹیسٹ و 7 ون ڈے انٹرنیشنل اٹ بھارت نا نمائندگی ءِ کریسُس وخت اس کہ چوہان ٹیسٹ کیریئر اٹ 31.57 نا اوسط تون 2 ہزار 84 رنز جوڑ کرے، او ون ڈے میچ آتیٹی کل 153 رنز اسکور کننگ کرے۔ چیتن چوہان ریاست اتر پردیش نا وزیر ہم مسنے وخت اس کہ او نئی دہلی ڈسٹرکٹ کرکٹ ایسوسی ایشن نا صدر ہم مسنے۔ او کرکٹ نا بشخ اٹ کیہی خدمت آتے کرے۔