پاکستانی ٹینس اسٹار اعصام الحق یو ایس اوپن اٹ بشخ ہلیک

لاہور (مانیٹرنگ ڈیسک) پاکستانی ٹینس سٹار اعصام الحق یو ایس اوپن اٹ بشخ ہلیک او تدوک آ دے امریکہ کن راہی مننگ اٹی ءِ۔ اعصام الحق مینز ڈبلز اٹ برطانیہ نا ڈومینک اینگلوٹ نا پارٹنر مریک۔ اونا کورونا وائرس ٹیسٹ منفی بسنے۔ راجی رابطہ نا ویب سائٹ ٹویٹر آ جاری کلہو اٹ او پارینے کہ شش تو آن پد اولیکو ٹینس کورٹس اٹ پدی بننگ کن تیاریک پورو ءُُ۔ یات سلے کہ یو ایس اوپن ٹورنامنٹ 31 اگست آن بنا مننگ اٹی ءِ۔ تدوک آ دے تیٹی کرکٹ آ تبصرہ کرسا او پاریسُس کہ انگلینڈ نا برخلاف پاکستان کرکٹ ٹیم ارٹمیکو ٹیسٹ میچ اٹ کم بیک کیک۔ او مستی پارینے کہ پاکستان ٹیم ٹیسٹ سیریز اٹ پازیٹو خننگ انگ ءِ۔ بھلو وقفہ سے آن گڈ گوازی کننگ آسان الو۔ پاکستان ٹیم ءِ ویل آتون مون تروئی تمانے۔ پاکستان ٹیم نا میچ پریکٹس کم ئس انگلینڈ نا ٹیم سیریز گوازی کریسُس۔ اعصام الحق مستی پارینے کہ انگلینڈ ءِ ہوم کنڈیشن تا ہم فائدہ ئس، پاکستان نا بیٹسمین و باؤلرک ولدا ہم جوان پرفارم کریر۔ سیریز داسکان کن برجا ءِ، پاکستان ٹیم ایلو میچ آتیٹی جوان ریزلٹ ایتک، پاکستان ٹیم ءِ وخت تننگے و اودے سپورٹ کننگے۔