الیکشن ایکٹ آ سیاسی جماعت آتا امنائی، بل ہم منظور کرفنگک
پندار کاغد اٹی منہ بدلی اس کرسا اودے جوڑ کننگانے، اسہ اِرا دے ٹی مسودہ نا ڈرافت ءِ باسک آتیا راہی کننگ
Get real time updates directly on you device, subscribe now.
اسلا م آباد : گچین کاری اصلاحاتی کمیٹی نا الیکشن ایکٹ 2017 اٹ ترمیم آامنائی مسنے‘ دا بابت وزیرکانود اعظم نذیر تارڑ پارینے کہ پندار کاغد آتے ٹی منہ بدلی کرسا درست کننگا‘ اِرا دے اسکان مسودہ نا ڈرافٹ ءِ باسک آتیا راہی کننگک پارلیمانی گچین کاری اصلاحاتی کمیٹی ناان کیمرہ دیوان چیئرمین کمیٹی سردار ایاز صادق ناکماشی ٹی اڈہلک دیوان اٹ نوید قمر، افضل ڈھانڈلہ، تاج حیدر، کامران مرتضی سیکرٹری الیکشن کمیشن عمر حمید خان، اسپیشل سیکرٹری وایلو بڑزکو کمامدار آتتون اوار وزیرکانود اعظم نذیر تارڑ بشخ ہلک وخت اس کہ زاہد حامد و فہمیدہ مرزا ویڈیو لنک آ ساڑی ئسر‘ کمیٹی نے الیکشن ایکٹ 2017 اٹ ترمیم آ امنائی کرے‘ کمیٹی پک مسودہ ءِ تیار کرسا باسک آتیا راہی کیک‘ کمیٹی باسک آک پارٹی ناسلابت اٹ مسودہ غا تینا پک سلاہ غان معلومدار کیرہ۔ وزیرکانود اعظم نذیر تارڑ میڈیا تون ہیت وگپ کرسا پارے کہ کل ترمیم تیا امنائی مسنے پندار کاغد آتے ٹی مچٹ بدلی کرسا اودے درست کننگا۔ فہمیدہ مرزا ناکنڈآن نوشت اٹ منہ سلاہ بسنے‘ ایلو دے اسکان مسودہ نا ڈرافت ءِ باسک آتیا راہی کننگک۔ الیکشن ایکٹ اٹ ترمیم آ الیکشن کمیشن آن بورڈ ءِ‘ جوان کانود جوڑ کننگ نا بھرم جوان انگا رویہ غاتا سوب آن رسینگک‘ ترمیم تے سیاسی جماعت آتا خڑکی آن ایڑتر کننگانے۔ اوورسیز پاکستانیک انٹرنیٹ نا کمک اٹ وونٹ بٹنگ کپسہ او پارے کہ دا دن ءُ بل اس اف کہ صدر مملکت اڑاند جوڑ مرے۔
(آن لائن)