بنجائی خراج محتسب نا کوشست آتا ستا کڑزک، صدر علوی
Get real time updates directly on you device, subscribe now.
اسلام آباد (اے پی پی) صدر ڈاکٹر عارف علوی خراج انتظامیہ نا بے وڑی تا برخلاف است جم کارروائی کننگ آ بنجائی خراج محتسب نا کوشست آتا ستاءِ کرے۔ خراج تروک آتا غاوتا دادرسی کننگ و تینٹ نوٹس واکداری تا کاریم اٹ اتسا خراج سسٹم اٹ بے ڈولی تا پیدواری ءِ کننگ آ بنجائی خراج محتسب نا کوشست آتا ستاءِ کرے۔ خراج نا بارواٹ غاو تروک آتیکن آسراتی تا گچینی نا پین گام گیج آتا گرج ءِ۔ داخیال آتا درشانی ءِ صدر ڈاکٹر عارف علوی ایوان صدر اٹ خراج محتسب مشتاق احمد سکھیرا نا کنڈآن سال 2019ء نا سالانہ رپورٹ ءِ پیش کننگ نا دود اٹی کرے۔ بنجائی خراج محتسب نا خراج تروک آتا غاوتا زالہ کن بے معاوضہ خذمت، اوفتے باخبر تخنگ کن روایتی و ڈیجیٹل میڈیا نا پبی کاریم اٹ اتنگ، خراج گزار آتا آسراتی کن آن لائن غاوپورٹل نا جوڑ کننگ و خراج محتسب آفس ءِ ڈیجیٹل کننگ آ صدر مملکت است جمی نادرشانی ءِ کرے و دا آسراتی تا گچینی کن پین گام گیج کننگ نا گرج آ زور شاغا۔