ڈاکٹر محمد سعید جمالی صوبائی کہول آ باقاعدہ وڑاٹ بشام نہالکاری مہم نا بناءِ کرے
Get real time updates directly on you device, subscribe now.
کوئٹہ (اے پی پی) سیکرٹری فاریسٹ اینڈ وائلڈ لائف بلوچستان ڈاکٹر محمد سعید جمالی صوبائی کہول آ باقاعدہ وڑاٹ بشام نہالکاری مہم نا بناءِ کرے، ہرانا رداٹ سیکرٹری فاریسٹ اینڈ وائلڈ لائف بلوچستان ڈاکٹر محمد سعید جمالی کوئٹہ ایئر پورٹ روڈ آ درخت انا نہالکاری کرینے داوخت آ کمشنر کوئٹہ عثمان علی خان چیف کنزرویٹر فاریسٹ نارتھ عبدالجبار، چیف کنزرویٹر فاریسٹ ساؤتھ زیخم علی پی ڈی فاریسٹ علی عمران، پی ڈی وائلڈ لائف بلوچستان نیاز خان کاکڑ، ڈپٹی کنزرویٹر کوئٹہ فواد صدیقی و ایلوفک ہم نہال خلسا نہالکاری کریر اوکان پد مچ آ صوبہ بلوچستان اٹی علاقائی و ضلعی کہول آ نہال کاری مہم نا بناءِ کننگک سیکرٹری فاریسٹ اینڈ وائلڈ لائف بلوچستان پیدوار کرے کہ ماحولیاتی تغیرات آک ہچ کس آن اودیم افس، ہرانا زہم آک پاش مسنو۔ اوپارے کہ داسہ ننا غٹ انا زمواری مریک کہ تینا بروک آ چین تیکن خاص کر کوئٹہ و مچ آپاکستان کن انقلابی گام گیج کننگے ہراٹی پیرانگا، چناک، زالبول، عالم دین، دانشور و صحافی نیز ہرتپہ غان تعلق تخوک آ بندغ آک تینا بشخ ءِ شاغر۔ اوکان پد ڈاکٹر محمد سعید جمالی میاں غنڈی سیل و سواتی پارک انا دورہ ءِ کننگ نا وخت آ نہال خلسا نہالکاری کرے و پارک اٹ جاری کاریم نا معائنہ ءِ ہم کرے۔