اسپینش فٹبال چمپئن لیگ نا ٹائٹل ءِ ریال میڈرڈ تینا پن آ کرے

میڈرڈ (مانیٹرنگ ڈیسک) اسپینش فٹبال چمپئن لیگ نا ٹائٹل ءِ ریال میڈرڈ تینا پن آ کرے۔ اہم ءُ میچ اسے ٹی ولار ریال ءِ 2-1 اٹ بے سہب کرے، بینزم ارا گول اسکور کرے۔ سرسہبی آ ریال میڈرڈ نا گوازی گرک جوان خوشی کریر۔ اسپینش فٹبال لیگ اٹ بھلا مقابلہ، ریال میڈرڈ و ولار ریال مون مقابل مسری، ہڑتوم آ ٹیم تا نیام اٹ جوان مقابلہ مس۔ ریال میڈرڈ نا بین زیم 29 میکو منٹ اٹ گول کرسا تینا ٹیم نا سرسہبی ٹی کڑد ادا کرے۔ ولدا بین زیم 77 میکو منٹ اٹ اسہ پین گول اس کرسا تینا  ٹیم نا پوزیشن ءِ پین سوگو کرے۔ مخالف ٹیم ولار رالن نا ابورا 83 میکو منٹ اٹ گول کرسا میچ اٹ پدی بننگ نا کوشست کرے ولے دا کوشست بے کار گوہندنگا۔ رالم میڈرڈ گڈیکو لمحہ غاتیٹی جوان تینا رکھ ءِ کرے و ٹائٹل ءِ تینا پن آ کرے۔ سرسہبی آ گوازی گرک جوان خوشی کریر۔