خصوصی دیوان، سینیٹ نا ملازم آتا خذمت آتا امنائی آ تالان قرارداد منظور

اسلام آباد : سینیٹ نا خصوصی دیوان اٹی اسہ قرارداد اس منظور کننگانے ہراٹی تدوک آ 50 سال اٹی آئین نا بالادستی ءِ پک کننگ کن خواری، عزم و سازگار چاگڑد اس فراوان کننگ آ سینیٹ نا ملازم آتا خذمت آتے امنا کننگانے و اوفتا ستاءِ کننگانے۔ جمعہ نادے آ سینیٹ نا 50 می سال دے انا رداٹ یات گاری دیوان اٹی سینیٹر سلیم مانڈوی والا تون اوار ایلو سینیٹر آتا کنڈآن اسہ قرارداد اس ایوان اٹ پیش کننگا ہراٹی پاننگانے کہ دا ایوان تدوک آ 50 سال اٹی آئین نا بالادستی ءِ پک کننگ و بنجائی اکائی تا نمائندہ ایوان اٹی سازگار چاگڑد اس فراوان کننگ آ سینیٹ سیکرٹریٹ نا ملازم آتا خذمت آتے امنا کیک و اوفتا ستاءِ کیک۔ قرارداد اٹی داہم امنا کننگانے کہ سینیٹ آف پاکستان نا بنداوتا سوگوی ٹی سیکرٹریٹ ملازم آتا اہم ءُ بشخ و کڑ د اسے، اوفتا خواری، عزم و قابل قدر کمکاری آن ایوان نا کمیٹی و باسک آتے تینا فرض انا جوان وڑاٹ ادائیگی ٹی کمک رسینگانے۔

(اے پی پی)