عمران خان نا اُرااسکان رسینگ کن لاہور ہائیکورٹ اٹی درخواست دائر
Get real time updates directly on you device, subscribe now.
لاہور : آئی جی پنجاب پولیس زمان پارک اٹی چیئرمین پی ٹی آئی عمران خان نا اُرا اسکان رسینگ کن لاہور ہائی کورٹ اٹی درخواست دائر کرے۔ درخواست اٹی موقف اختیار کننگانے کہ واقعہ نا جاگہ و عمران خان نا اُرااسکان بیدس اڑاند آن رسینگ نا موکل تننگے، واقعہ نا جاگہ غا کالعدم تنظیم نا باسک آتا ساڑی گری نا شک ءِ۔ درخواست اٹی پاننگانے کہ اسلام آباد نا ڈی آئی جی و چندی پولیس کارندہ غاک ٹھپی مسر، زمان پارک نا چندی ہنکینی 14 و 15 مارچ نا واقعہ غاتیا مقدمہ درج کننگ کن بننگ اٹی ءُ، پولیس چار مقدمہ درج کرینے۔آئی جی درخواست اٹی پارینے کہ عدالت پولیس ءِ پدی بننگ نا پارے ہنداسوب آن جاست وپاست کپننگ انگ ءِ، جاست وپاست و شاہدی یکجا کننگ کن واقعہ نا جاگہ اسکان رسینگ المی ءِ و رسینگ آن بیدس جاست وپاست نا عمل پورو مننگ کپک۔ خواست ءِ کہ عدالت واقعہ نا جاگہ غا ہِننگ و شاہدی یکجا کننگ ناموکل ایتے۔ آئی جی پنجاب پولیس نا دائر درخواست آ لاہور ہائی کورٹ نا جسٹس طارق سلیم شیخ سماعت کیک۔
(اے پی پی)