نیوگوادر انٹرنیشنل ایئرپورٹ آ کاریم ترند، آزمائشی بنازوت مریک

اسلام آباد: نیو گوادر انٹرنیشنل بالی پٹ تینا پوسکن آ تعمیری آب ءِ دوئی کرے، داناکثیر کہول انا 55 درسد کاریم پورو مسنے و زوت آزمائشی جہاز انا بنامریک۔ گوادر ڈویلپمنٹ اتھارٹی (جی ڈی اے) نا کمامدارآتا رداٹ این جی آئی اے نا تفنگ آ خڑچ انا کساس 51 ارب28 کروڑ 40 لکھ روپئی خلنگانے۔ سول ایوی ایشن اتھارٹی، پاکستان و چائنا کمیونیکیشن کنسٹرکشن کمپنی (سی سی سی سی) تون اوار غٹ اسٹیک ہولڈر آتا ہم گرنچی و حکومت نا تازہ کوشست آتیان داڑا کاریم ءِ پین ترند کننگانے۔ پوسکن آ رکھی خاصیت آتا خلنگ آ پیش رفت، این جی آئی اے نا اسہ المی ءُ بشخ اس 39 ہولڈ یا ہینڈ بیگیج سکیننگ مشین تا خلنگ آ ترندی اٹ مون آ ہِننگ ءِ۔ کاریم نا دنگ اٹ سی اے اے نا کمک اٹ این جی آئی اے ٹی ڈوئل ویو/کمپیوٹڈ ٹو موگرافی (CT) ہولڈ اینڈ ہینڈ بیگج سکیننگ مشین تا ہلنگ/انسٹالیشن اوار ءِ۔ داکان بیدس این جی آئی اے نا انٹرنیشنل سول ایوی ایشن آرگنائزیشن (ICAO)و ایلو سیکورٹی ایجنسی کون آ یورپی سٹیزن ایکشن سروس (ECAS) و ٹرانسپورٹیشن سیکورٹی ایڈ منسٹریشن (TSA)ناکمک اٹ ہم باقاعدگی اٹ معائنہ کننگک تانکہ دا پک کننگ مرے کہ درکار رکی آب آتیا عمل درآمد کننگ انگ ءِ۔ پوسکن آ مشین تا خلنگ آن پد مسافر آتا اسکریننگ نا بابت قابل پت عنصر اٹی ودکی مریک داڑان مسافر و گڑاتے سنبھالنگ نا نظام نا رکھ انا بابت ایئرلائن آپریٹر آتا پت ودک۔ رکھ ہوائی اڈہ درملکی ایئر لائن تے گوادر آن آپریشن بناکننگ نا ترغیب ایتک و سی اے اے و گوادر ءِ فائدہ تننگ کن اقتصادی سرجزودکی کیک۔ داکان بیدس این جی آئی اے نا کاریم نا مچ آ دنگ انا رفتار اٹی سول کاریم، ساختی کاریم، مکینیکل کاریم، انجینئرنگ نا کاریم، مواصلات اوار ءُ سی سی سی سی و سی اے اے نا کسبی ٹیم تا اسیجائی کوشست آتیان این جی آئی اے نا گرد باڑ خلنگ نا کاریم ءِ پورو کننگا۔ (اے پی پی)