گمانی پر و برف انا رد اٹ رکھی گام گیج تے پک کننگے، میر ضیاء لانگو

ضلعی انتظامیہ ریسکیو 1122 و پی ڈی ایم اے ءِ آرڈینیشن تون کل المی گام گیج آک کننگر، صوبائی وزیر داخلہ

0

Get real time updates directly on you device, subscribe now.

کوئٹہ: صوبائی وزیر داخلہ میر ضیاء اللہ لانگو محکمہ پی ڈی ایم اے افسر آتے پارت کرینے کہ گمانی برف و پر تا سوب آن ودی مروک حالیت آ چکار کننگے، و بے چیٹ واقعہ و ہلہلہ ئی حالیت نا مون ءِ توننگ کن تعلقدار ضلعی انتظامیہ و ریسکیو ادارہ غاتے ہائی الرٹ کننگے، و گمانی ہلہلہ ئی حالی تآتا مون ءِ توننگ کن زیارت، کان مہترزئی، و ایلو تعلقدار علاقہ غاتیٹی ہیوی لوڈر آتے تیار تخنگے۔ او ایمرجنسی پلان ٹیم جوڑ کننگ نا پرمان کرسا پارے کہ محکمہ موسمیات، صوبائی ڈیزاسٹر مینجمنٹ اتھارٹی (پی ڈی ایم اے) نا سلاہ اٹ ایمرجنسی پلان جوڑ کرسا گام گیج کروئی ءِ۔ صوبائی وزیر داخلہ، و پی ڈی ایم اے میر ضیاء اللہ لانگو گمانی برف و پر تا پوسکن آ چرجوئی نا ر داٹ حالیت نا مون ءِ توننگ کن ہلہلہ ئی گام گیج آتا پرمان کرینے، وزیر داخلہ پارت کرے کہ ضلعی انتظامیہ ریسکیو 1122 و پی ڈی ایم اے کوآرڈینیشن تون کل المی گام گیج کیر۔ زیارت و ایلو علاقہ غاتیٹی ریسکیو اینڈ ریلیف آپریشن نا بابت ہچ ءُ ڈیوالئی اس کننگپ۔ وزیر داخلہ پارت کرے کہ تعلقدار ادارہ غاک الرٹ مرری، و زہمی علاقہ غاتیٹی کمکی سرجز آتے تیز کننگے۔ وزیر داخلہ کمکی کیمپ آتا کچ ءِ ودفنگ نا پارت کرسا پارے کہ مخلوق ءِ رکھوک ہند آتیا گدریفنگ کن کل گرج انا وسیلہ غاتے کاریم اٹ اتنگے، و زہمی علاقہ غاتیٹی دارو، کنوئی گڑا و ساہدار تے کن بئے انا فراوانی نا چرجوئی ءِ پک کننگے۔ وزیر داخلہ میر ضیاء اللہ لانگو گمانی ہلہلہ ئی حالیت ءِ مون آ تخسا محکمہ نا کل ملازم آتا چھٹی تے منسوخ کننگ نا پارت کرینے، تاکہ ایمرجنسی اس مس تو وخت آ چیلنج آتتون مون تننگ مرے۔

(خ ن)

Get real time updates directly on you device, subscribe now.

Leave A Reply

Your email address will not be published.