بھارت تون مذاکرات کشمیر تون گنڈوک ءِ، ترجمان وزیر اعظم

0

Get real time updates directly on you device, subscribe now.

اسلام آباد:وزیراعظم محمد شہباز شریف نا العربیہ ٹی وی چینل ءِ انٹرویو نا بابت وزیراعظم آفس نا ترجمان پیدوار کرینے کہ وزیراعظم تسلسل اٹ پارینے کہ پاکستان و بھارت ءِ تینا ہڑتوم آ کنڈآتا ویل خاص وڑاٹ جموں وکشمیر نا بنداوی ویل ءِ گپ وتران نا کمک اٹ ایسر کننگے، ولے وزیراعظم وار وار آ ریکارڈ آ پارینے کہ گپ وتران ہمووخت آ مننگ کیک ہراتم اسکان بھارت 5 اگست 2019 نا تینا غیرکانودی گام ءِ پدی ہلپک، دا غیرکانودی گام ءِ منسوخی آن بیدس بھارت تون مذاکرات مننگ کپک۔ وزیراعظم آفس نا کنڈآن سے شنبے نادے آ جاری وضاحتی بیان نا رداٹ کشمیر نا ویل انا ایسری اقوام متحدہ نا قرارداد و جموں وکشمیر نا الس نا است خواہی تا رداٹ مرے۔ ترجمان پارے کہ وزیراعظم تینا ساڑی آ دورہ متحدہ عرب امارات اٹی العربیہ نیوزچینل ءِ انٹرویو ترسا دا موقف ءِ اسُل پیدوار کرے۔

(اے پی پی)

Get real time updates directly on you device, subscribe now.

Leave A Reply

Your email address will not be published.