پارلیمنٹ ءِ ربڑ اسٹمپ مننگ کن الیپنہ، بلاول بھٹو

اسلام آباد(آن لائن)چیئرمین پیپلز پارٹی بلاول بھٹو زرداری پارینے کہ اینو اسکان قومی اسمبلی ٹی ہرا کانود سازی مسنے او آئین و پارلیمنٹ ءِ اینگ کرسا کننگا، نن پارلیمنٹ ءِ ربڑ سٹیمپ اس مننگ کن ہلیپنہ، مدینہ نا ریاست اٹ ہم ہیت کننگ نا آجوئی ئس ولے داڑے ہمو ہم اف، وکیل آک اینو کل سیاسی لیڈرشپ ءِ اسہ جاگہ غا اسٹ کرینو داسہ ہم وخت ارے پدی ہُننگ نا جاگہ غا آخبت نا لائحہ عمل ءِ جوڑ کننگے، ننے حکمت علی و وڑو ڈول اسٹ کروئی تمک، پاکستان پیپلزپارٹی نا بروک آ اے پی سی ٹی دا ہائبرڈ رجیم ءِ ورندی تروئی تمک، اولیکو پارلیمان و ولدا ملک ءِ آجو کرفنہ۔