ملک ءِ شون تننگ کن چنکا صوبہ غاتا ویل آتے ایسر کروئی تمک، شہباز شریف 

اسلام آباد(آن لائن) پاکستان مسلم لیگ(ن) نا صدر و قومی اسمبلی ٹی اپوزیشن لیڈر شہباز شریف پارینے کہ ملک ءِ مستی دننگ کن چُنکا صوبہ غاتا ویل آتے ایسر کروئی تمک، چُنکا صوبہ غاتا حق آتے کنسا اسہ صوبہ اسے پاکستان تکنگ غلط فہمی اسے، احتساب نا پن آ بدل ہلنگ نا چکی نا نسخان ملک ءِ رسینگ انگ نا گمان ارے، یخ انگا اُست اٹ بدلہ ہلنگ و احتساب نا معاملہ ءِ سوچوئی مریک، ساف احتساب مرے تو نیمہ کابینہ بچنگ کننگ کپک، احتساب انصاف نا تقاضہ غاتا رداٹ مس تو ملک قائد نا پاکستان جوڑ مریک۔ جتا جتا دور تیٹی ڈکٹیٹر آک ترامیم کرسا عدلیہ ءِ نزور کریر، عدلیہ نا احترام ءِ ولے گڑاس بندغ منصف آتا وڑاٹ ڈکٹیٹر آتے آئین اٹ بدلی نا اختیار تس، اینو مالو نا دور آن سبخ دوئی کرسا مستی ہنوئی ءِ۔