القادر ٹرسٹ کرپشن کیس،نیب اینو عمران خان ءِ بٹنگا
عمران خان رزاک آ نیب انا انکوائری آن تینے کشنگ اٹی ءِ‘ نیب برطانوی کرائم ایجنسی تون ’خط و کتابت‘ نا ریکارڈ ءِ بٹنگا
Get real time updates directly on you device, subscribe now.
راولپنڈی: القادر ٹرسٹ کرپشن کیس اٹ برطانیہ غان 19 کروڑ پاؤنڈ نا غیرکانودی گدریفنگ نا باندات‘ نیب عمران خان ءِ اینو پنچ شنبے نا دے نیب راولپنڈی ٹی پیش مننگ نا سمن جاری کرے‘ عمران خان آن 19 کروڑ پاؤنڈ نا غیرکانودی گدریفنگ نابابت 20 سوج انا ورندی تے خواہس‘ سوجی لڑ اٹ پاننگانے کہ عمران خان برطانیہ غان 19 کروڑ پاؤنڈ اتسا ولدا دوبہ دار آتے ترسا مالی فائدہ دوئی کرے‘ ریاست پاکستان نا 19 کروڑ پاؤنڈ دوبہ دار آتے پدی ترسا عمران خان 458 کنال ڈغار و 28 کروڑ روپئی ہلک۔ دوبہ دار آتے 19 کروڑ پاؤنڈ پدی ترسا عمران خان و بشریٰ بی بی نا ٹرسٹ عطیہ نا رد اٹ بھلو پیسہ اس ہلک۔ نیب پارے کہ عمران خان اینو پنچ شنبے نا سہب انا 10 بجہ غا نیب انا کمبائنڈ انویسٹیگیشن ٹیم انا مون آ پیش کرے‘ عمران خان 2 مارچ انا کال اپ نوٹس اٹ نئے پیش مس و نئے ورندی تس۔ عمران خان زراکا نیب انا انکوائری آن تینے کشنگ اٹی ءِ‘ نیب عمران خان آن برطانوی کرائم ایجنسی تون ’خط و کتابت‘ نا ریکارڈ ءِ بٹنگا‘ عمران خان آن 19 کروڑ پاؤنڈ نا فریزنگ آرڈر نا ریکارڈ ءِ ہم بٹنگا‘ عمران خان آن القادر یونیورسٹی آن رسینگوک کل عطیہ وخت اس کہ عطیہ تروک آتا ریکارڈ ءِ ہم بٹنگا‘ عمران خان تینٹ القادر ٹرسٹ ءِ اخس عطیہ تس دانا رپورٹ ءِ بٹنگ انگا‘ القادر یونیورسٹی نا پنجاب ہائیرایجوکیشن تون الحاق و القادر ٹرسٹ و دوبہ دار آتا کمپنی نا نیام اٹ ٹرسٹ ڈیڈ نا ریکارڈ ءِ ہم بٹنگا‘ نیب پارینے کہ عمران خان نیب پرسجو ٹی اوار متو تو پد تے بھاز خراب مریک۔
(آن لائن)