پرغ بٹ کروک آتا برخلاف سخت کارروائی کننگک، عطاء تارڑ

پی ٹی آئی کارندہ غاک ارض پاک نا مقدس ہند آتا بے شرفی ءِ کریر، سازش نا رداٹ شہیدآتا یات گارتیا جلہو کریر

0

Get real time updates directly on you device, subscribe now.

اسلام آباد : وزیراعظم نا خصوصی کمکار داخلہ عطاء اللہ تارڑ پارینے کہ پی ٹی آئی نا شرپسند آک عمران خان نا کرپشن آن چکار ءِ اسہ کنڈ کننگ خوارہ، پھسات تالان کننگ و پرغ و بٹ کروک آ شرپسند آتا برخلاف سخت کارروائی کننگک، پی ٹی آئی کارندہ غاک ارض پاک نا مقدس ہند آتا بے شرفی ءِ کریر، پی ٹی آئی کارندہ غاک سازش نا رداٹ شہیدآتا یات گارتیا جلہو کریر، چارشنبے نادے آ داڑے پریس کانفرنس آن تران کرسا وزیراعظم نا خصوصی کمکار داخلہ عطاء اللہ تارڑ پارے کہ لاہور اٹی قائد اعظم محمد علی جناح نا اُرا ءِ ہم بشخنگتو، عمران خان نا ایڑھ انا مار حسان نیازی جناح ہاؤس آ جلہو اٹی اوار خننگا، شرپسند آک شہید آتا عکس آتے ہم خاخر تسر۔ 1965 نا ہیرو ایم ایم عالم نا یات گار ءِ ہم شست کننگا، شرپسند آک کیپٹن کرنل شیرخان شہید(نشان حیدر) نا یات گار ءِ ہم نسخان تسر، دا ڈوہدار تے سخت سزا ترفنگک، مراد سعید ناکارندہ غاتے مشتعل کننگ نا آڈیو ساڑی ءِ، آڈیو و ویڈیوتیٹی پی ٹی آئی کارندہ غاتے شرپسند آتا کماشی ءِ کرسا ہُننگ مریک، پشاور اٹی چاغی پہاڑ نا نمونہ ءِ ہم خاخر تننگا، 1947 اٹی پاکستان نا آجوئی نا پڑو کروک آ ریڈیو ءِ ہم شست کننگا، پھسات تالان کننگ و توڑ پھوڑ کروک آ شرپسند آتا برخلاف سخت کارروائی کننگک، پین وخت اس شرپسندی نا واقعہ غاتیان بچنگ کن اسہ مثال اس جوڑ کروئی مریک۔

(اے پی پی)

Get real time updates directly on you device, subscribe now.

Leave A Reply

Your email address will not be published.