9 مئی واقعہ غاتیا عمران خان دزگیر مننگ کیک، خواجہ آصف

اسلام آباد: وزیر دفاع خواجہ آصف 9 مئی واقعہ غاتیا عمران خان نا دزگیری نا اشارہ ترسا پارینے کہ فوج نیوٹرل مرے‘ قوم و ملک اتون سلوک مرے‘ او عمران خان ءِ دوست اف‘ عمران خان اقتدار ءِ تینا میرات تکک‘ تدوک آ دے صحافی تتون ہیت وگپ کرسا وزیرفاع پارے کہ 9 مئی نا ڈٹ ءِ تو عمران خان جوڑ کرے‘ عمران خان ملخدو ولدا فوج آ جلہو کرینے۔ داوخت آ صحافی اس سوج کرے کہ 9 مئی نا واقعہ غاتیا عمران خان دزگیر مننگ کیک؟ وزیر دفاع پارے کہ ڈٹ ءِ تو عمران خان جوڑ کرے‘ پارت او کریسس۔ خواجہ آصف پارے کہ میانوالی ٹی 80 آن زیات جہاز سلوک ئسر‘ اگہ دا بندغ آک جہازآتے خاخرتسرہ تو ساڑی زرگزرانی حالیت آتے ٹی نن نن پنچ جہاز ءِ ہم ریپلیس کننگ کپنہ۔ او پارے کہ پاکستان نا سنگت ملک آک پاکستان تون سلوک مریرہ‘ سنگت ملک آک بندغ آتا فائدہ تون کمک کپسہ۔ خواجہ آصف پارے کہ پی ٹی آئی ناپننگ نا چندی سوب آک مون آبننگ ءُ‘ ہرا بندغ شہید آتا توہین نازموار مرے او دنیا ٹی عبرت نا نشان مریک۔

(آن لائن)