صوبائی محتسب بلوچستان نا کوئٹہ نا ٹریفک ویل آتیا سوموٹو ایکشن
Get real time updates directly on you device, subscribe now.
کوئٹہ : صوبائی محتسب بلوچستان نذر محمد بلوچ ایڈوکیٹ کوئٹہ شار اٹ ٹریفک نا ودوک آ حالیت و اُلسی تپہ غاتا کنڈآن جتا جتا وخت آتیٹی ہندی اخبار و سوشل میڈیا آ شار اٹ ٹریفک جام نا پد تموک آ حالیت آتے نشانی کرسا تینٹ نوٹس(سوموٹو ایکشن) ہلسا ٹریفک پولیس نا کمامدار آتے بٹنگا۔ صوبائی محتسب بلوچستان نا ترجمان نا رداٹ صوبائی محتسب بلوچستان کوئٹہ شار اٹ ٹریفک جام نا حالیت آ اُلسی تپہ غاتا کنڈآن درخواست نا از خود نوٹس ہلسا دا بابت اٹ او ڈائریکٹر انویسٹیگیشن محتسب سیکرٹریٹ عبدالمنان اچکزئی ءِ پارت کرے کہ او دا بابت اٹ محکمہ غان ٹریفک جام ویل آتا ایسری کن بچفوک آ گام گیج آتا بارواٹ باز پرس کیر، صوبائی محتسب نا پارت اٹ ڈائریکٹر انویسٹیگیشن نوٹس جاری کرسا ایس پی ٹریفک تون وضاحت خواہس۔ داڑان بیدس ایس پی پولیس ٹریفک سٹی کوئٹہ محمد جاوید ملک تینا رپورٹ اٹ ٹریفک جام نا سوب آتے بیان کرسا نوشتہ کرینے کہ کوئٹہ نا شار انا تہٹی گیشتری کمرشل ایریا ٹی بدلی مسنے۔ ہراڑے 70 دہائی نا متکن آ ٹرانسپورٹ ہراٹی بھلو بس اوار ءُ۔ اوفتا سوب آن ٹریفک جام نا ویل آک زیات مسنو۔ او پارینے کہ اگہ دا بھلا بس آتا جاگہ غاتا جاگہ غا میڑو وڑ انا بس آتے درستی راستی کننگے تو اوڑان ٹریفک جام نا ویل اٹ اسہ حد اسکان کمتی مریک۔
(خ ن)