حب، وزیر اعظم پاکستان و ایرانی صدر کیہی ڈٹ آتا بنداو ءِ تخرہ
Get real time updates directly on you device, subscribe now.
حب : وزیر اعظم پاکستان میاں محمد شہباز شریف 18 مئی اینو پنچ شنبے نادے ایران نا صدر سید ابراہیم رئیسی تون اوار پاکستان ایران مند، پشین بارڈر کراسنگ پوائنٹ نا ہند آ مند، پشین بارڈر سسٹینینس مارکیٹ پلیس و پولان گبد بجلی ٹرانسمیشن لائن نا اسیجا بناءِ کیک۔ پاک ایران اسیجائی سیم آ تفوک شش سیمی مارکیٹ آتیان اسٹ مند، پشین بارڈر سسٹینینس مارکیٹ پلیس سیمی واپاری ءِ ودفنگ‘ اقتصادی شونداری ءِ شون تننگ و ہندی کاروبار کن وارخواہی نا پوسکن ءُ کسر ملنگ کن پلیٹ فارم فراوان کیک۔ پولان‘ گبد الیکٹریسٹی ٹرانسمیشن لائن ایران آن 100 میگاواٹ پین بجلی پاکستان اسکان سر مریک‘ دا ڈٹ پاکستان نا صوبہ بلوچستان و ایران نا صوبہ سیستان و بلوچستان نا الس نا آسودہی کن پاکستان و ایران نا سوگو آ عزم انا درشانی ءِ۔
(آن لائن)