پاکستان تحریک انصاف تون ہچ ءُ سمجھوتہ اس کننگپک، ایاز صادق

لاہور :  بنجائی وزیر مسلم لیگ ن نا راہشون سردار ایاز صادق پارینے کہ نن 4سال اسکان پارسا کرین مذاکرات کننگے‘ پی ٹی آئی مذاکرات کن 4شڑت تخسا کرے‘ چیف انا تقرری آ مذاکرات نا شڑت تخنگا‘ ای پاریٹ کہ دا ننا استحقاق اف‘ ہندا دے تے ٹی دابندغ آک جلہو کریر‘ دا بندغ آک جناح ہاؤس آ پاکستان نا بیرک ءِ شیف کرسا پی ٹی آئی نا بیرک ءِ جک کریر‘ ہمو دے آنن است دتر نا خڑینک ہوغاکہ‘ دابندغ آتتون ہچ ءُ سمجھوتہ اس کننگپک۔ نجی ٹی وی تون ہیت وگپ کرسا سردار ایاز صادق پارے کہ دا بندغ آک خواہسرہ کہ آرمی ٹی بغاوت مرے‘ دابندغ آک خواہسرہ کہ ملک اٹ مارشل لا لگے‘ ہرا بندغ آک اوفتتون سلوک ئسر اوہم بریبرنا ڈوہدار ءُ‘ داڑے پاریکہ کہ جنرل فیصل کنے کسفنگ خواہک‘ ولدا ہناکہ پاریکہ کہ ای بنگونٹ کہ جنرل فیصل کنے کسفنگ خواہک۔ او پارے کہ دا بندغ کل آن دوبہ خلک‘ عمران خان جہانی سازش نا بشخ اسے‘ ای اودے 1960 آن درست کیوہ‘ کنے سماءِ کہ دا دیر تون اوڑدہی کرسا کرینے‘ داخس دروغ تڑے کہ مخلوق ءِ خار تس‘ ہرافک 9 مئی آبیداد کریر اوفتے اسُل بشخنگپ‘ اگہ ای ہم زموار مریر تو کنے ہم سزا رسینگے‘ ہر کس کہ 9 مئی نا واقعہ نا زموار ءِ اوڑا رکھ خلنگے۔

(آن لائن)