سرسہبی کراچی نا جیالہ غاتا جہد انا بھرم ءِ، بلاول بھٹو زرداری

کراچی :  پاکستان پیپلزپارٹی نا چیئرمین و وزیر خارجہ بلاول بھٹو زرداری کراچی نا میئر و ڈپٹی میئر جیالہ غاتا گچین مننگ ءِ پارٹی کن اسہ تاریخی سرسہبی و دا پیش رفت ءِ مچ آملک انا سرسہبی گوندانے۔بلاول ہاؤس میڈیا سیل انا کنڈآن جاری کروک بیان نا رد اٹ پی پی پی نا چیئرمین بلاول بھٹو زرداری مرتضیٰ وہاب صدیقی ءِ کراچی نا میئر و سلمان عبداللہ مراد ءِ ڈپٹی میئر گچین مننگ آ مبارکبادی تس وپارے کہ دا سرسہبی کراچی نا جیالہ غاتا بھلاجہد و قربانی تابھرم ءِ۔ اوپارے کہ ملک انا زرگزرانی حب اٹ خار و بشخ وپانٹ نا سیاست تینا ایسر آسر مس و داٹی شک اف کہ جمہوریت بھلو بیر اسے۔ چیئرمین بلاول بھٹو زرداری دا عزم انا درشانی ءِ کرے کہ قائد نا شار ءِ حقی معنہ اٹ عروس البلاد جوڑ کننگک و کراچی داسہ شونداری‘ امن وایلمی نا ہند جوڑ مریک‘ اوپارے کہ کراچی نا ہر گلی، کوچہ وعلاقہ نا بلدیاتی ویل آتے بے فرق آن ایسر کینہ۔

(آن لائن)